馬浚偉表示與林燕妮相識超過二十年。
藝人馬浚偉到北角出席林燕妮喪禮，他以一身黑色西裝現身，問到與林燕妮交情，馬浚偉表示與對方相識超過二十年：「大家感情好深厚，不過近兩年就冇乜點見面，好感恩喺最後一段時間上過佢屋企見佢，因為大家都係基督徒，所以對死亡都有另一個睇法，會開懷去面對。（心目中係點？）咁多年我都叫佢貴族，佢就叫我浚偉，佢係真貴族，好優雅好靚、係美人，性格又好剛強，係女中豪傑。（最後見面傾乜？）都係閒話家常，當時佢仲好精神好靚，大家講近況，傾吓歌，係最後一段時間冇乜痛苦咁離開，戥佢開心，佢係堅強嘅人，大家有共同信仰，好堅強，所以我送花牌畀佢都係寫『天家再見』。」
問到最難忘回憶，馬浚偉說：「佢教識我好多嘢，特別係禮儀，男仔要點、食飯要點，佢真係好可愛，同埋佢話好鍾意我着黑色西裝，所以我今日着黑色西裝嚟。（有遺憾？）我都唔覺得佢有，雖然每個人都有心願係地上未了，但我相信佢冇。」
來源 source: http://hk.on.cc
|
鍾意就快D Share啦！
|
|
|
