祖兒回應同師兄嘅翻撻傳聞！
天后容祖兒到電台宣傳新歌《心之科學》，講到早前被東網拍到與劉浩龍（師兄）食飯慶生，有傳兩人翻撻，她表示：「食餐飯啫。（增進感情？）我同師兄間唔時都會見面，我係可以約好多人食飯㗎嘛，你哋可以點寫都得，喺呢個階段你哋任何評論、揣測都係好開放，寫乜都得，但我自己心裏有數，歌唱事業同私人生活我行咗30幾年，所以我有自己處理態度，大家唔使咁擔心或關心嘅。（你哋兩個人食呀？）係呀。（佢有冇送禮物？）請我食飯。」問到兩人關係究竟是好朋友還是情侶？她只謂：「總之除非有一日會成為家人，其他人都係朋友。（即係佢仲未係你家人？）好明顯佢唔係我家人。」
唔急結婚
而講到之前祖兒與師兄等一眾朋友遊船河，她笑言：「同成班好朋友一齊，遊船河大家又唔化妝，所以嗰度都係最熟、最信任嘅朋友嚟嘅。」她又謂本身冇諗住夜晚再慶祝，但一班朋友都好有心。講到生日願望，她表示：「希望阿媽身體健康。（你個人呢？見到阿嬌結婚都想快啲結婚？）希望佢結婚之後愈嚟愈好。（你未想嫁住？）未喎。（你之前唔係話想40歲前結婚？）38咋嘛，不過呢啲好難講，每日都有唔同變化，唔好畀時限框住自己，特別係我呢啲留前鬥後。」
新歌講分手
兩年未有派歌的祖兒表示想搵個好的時間派歌，所以此曲做了半年，較少唱pop rock歌的她謂：「本身都擔心，但非常意外地，好多歌迷都話鍾意，如果今年淨係出一首歌嘅話，我都覺得交到功課。」講到首歌是講分手，她就表示自己是演繹者，填詞人黃偉文寫咩就唱：「我哋事前冇溝通，我將佢想傳遞嘅訊息傳遞出嚟。」
來源 source: http://hk.on.cc
|
鍾意就快D Share啦！
|
|
|
