勁老友！
藝人馬浚偉於無綫熱播劇《宮心計2深宮計》內，與陳煒（煒哥）鬥過你死我活，皇上與太平公主這對「偉煒鬥」引起網民熱話，而這對「死對頭」私下卻十分投緣！馬浚偉笑謂：「好開心因為拍劇而識到煒哥呢位好朋友。講真我同佢幾夾㗎，大家都係天蠍座，亦都好鍾意請人食嘢，記得開工嗰時放消夜我同佢爭住埋單，晚晚輪流請客，志在開心！雖然戲裏面佢係我姑姑，但好多工作人員都話我哋好襯，笑我哋『亂倫』呀！（下次同佢演情侶？）咁又真係唔知幾時先係下次，我依家嘅工作起碼排到出年嘞！」
貼心的煒哥聞得馬浚偉喜歡儲「擦得甩原子筆」，竟四出搜羅送贈，難怪馬浚偉開心表示：「好驚喜囉，我已經儲到一屋都係（擦得甩原子筆），又唔捨得用，十足儲物狂一樣。」
來源 source: http://hk.on.cc
|
鍾意就快D Share啦！
|
|
|
