熱爆娛樂: 【愛女百日宴】55歲做老竇錢國偉上半場已醉 _

2018年6月17日星期日

【愛女百日宴】55歲做老竇錢國偉上半場已醉 __,錢國偉,

錢國偉陳宛蔚噚晚為囡囡搞百日宴，賓客滿堂，但錢生開心到一早就醉咗。　（網上圖片）

今年55歲導演錢國偉（Wilson），同老婆陳宛蔚喺2015年結婚，今年2月陳宛蔚為老公Wilson生咗囡囡Abby，噚晚佢哋係尖沙嘴洲際酒店為囡囡擺百宴，Wilson好多老友都有出席，包括譚玉瑛、鄭伊健、黃智賢、黎芷珊、謝天華、阮兆祥、側田、湯盈盈、姚樂怡、方力申等等。

《蘋果》今日打畀Wilson，佢話：「我上半場已經冧咗不醒人事，太開心喇！好耐冇飲酒。噚晚好多老友都有嚟，擺咗14圍。」佢話囡囡英文名叫Abby，問嚟緊第一個父親節感受點，佢話：「心情係要努力工作，搵多啲奶粉錢。」

噚晚錢國偉一早冧咗，自然辛苦晒老婆兼人母陳宛蔚，佢接受本報電話訪問時話：「囡囡唔難湊呀，噚日佢都好乖，由頭帶到尾都冇乜喊過，好多人抱都冇喊，好攰都冇乜嘈。同賓客影相影到夜晚，我都好安慰。Daddy（Wilson）好開心啦，開心到不得了，好快飲醉咗酒，所以要待佢招呼客人。」

陳宛蔚又話：「Wilson話好多謝朋友抽空出席，我哋請咗好多朋友，電影人、兒童組、伊健、小春、祖藍，天使等，太開心，所以佢好早就醉咗瞓喺度。係BB代佢招呼人客，佢好興奮，惟有我抱住佢影相，Wilson瞓覺，所以好搞笑，大家都好盡慶。」

精選娛聞，喺晒《娛果》

http://fb.com/appledailyent

錢國偉陳宛蔚噚晚為囡囡搞百日宴，賓客滿堂，但錢生開心到一早就醉咗。　（網上圖片）	囡囡Abby不經不覺已經三個多月大。（網上圖片）	 Wilson一班好友到場，包括阮兆祥、文頌嫻、梁靖琪、鍾麗淇、姚樂怡同湯盈盈。（網上圖片）
 錢國偉同昔日一班天使，包括藍莓劉俐（左二）、Coffee林芊妤（左三）、Liddy李悅彤（右三）及JJ賈曉晨。（網上圖片）	 仲有好友石修、黎芷珊、黃智賢。（網上圖片）	 BB女Abby瞓咗都咁可愛，賓客都要同佢影相。（網上圖片）