杜德偉（Alex）曾為愛兒Alex Junior（AJ）送上新歌《抱緊處理》，並在專輯序言寫上：「我陪你長大你陪我到老」。眨眼間AJ已經20個月大，Alex日前於觀塘一間酒店接受《蘋果》專訪，平日型爆的他當提到愛兒更展露溫馨笑容。Alex憶起當初太太Ice產子時感覺不現實，他說：「太太生嗰日，見到醫生抱（AJ）出嚟，我感覺好似拍緊戲，個仔就好似道具咁，直至親手抱住，都唔係好信自己同太太有個仔。」
問父親一職自我評價如何？Alex直言沒有去想，他說：「AJ去到我手上，我就係佢玩伴，佢就係我玩伴。」跟AJ相處更令Alex勾起童年回憶，他說：「有一次我唧佢笑，我就用手話『咕嚕咕嚕』，之後先諗番原來我爸爸以前都係咁。又有一次我剃鬚，佢聽到鬚刨聲有啲驚，我就踎底喺佢面前再笑住嚟剃，忽然我又記起我爸爸都有咁做。」Alex頓時覺得變成了自己爸爸，AJ變成兒時的他，有種時空交錯感。
Alex突然大爆AJ秘密，他笑說：「佢好貪靚，成日照鏡，有時照照吓仲會錫落去。」今年父親節要離港工作，不過晚上會返港跟家人食飯，Alex說：「父親節只係多一個藉口令一家人齊整食飯，其實每日都玩得好開心。」至於對AJ期望，Alex即說：「我期望佢次次食飯快啲吞咗啲飯，其他遲啲先諗。」
採訪：馬建華
攝影：陳慧安
場地提供：觀塘帝盛酒店
|
鍾意就快D Share啦！
|
|
|
