現年48歲嘅陳淑蘭（蘭子），一向心直口快，好似前年主持ViuTV節目《晚吹──總有一隻喺左近》時，話周永恒賤格，結果辣㷫周永恒，搞到錄影期間爆粗離場。前日，蘭子忽然喺facebook留言話自己引狼入室，結果同個女性朋友掀起駡戰，女性朋友仲反擊鬧蘭子出賣朋友。
蘭子前日喺fb留言話：「因為自己引狼入室，學懂了一句：日防夜防，家賊難防。希望在次今事先張揚，光明底下，不容再像上一次，給人那麼容易順手牽羊吧。」有朋友留言問蘭子有冇報警，蘭子就話：「沒有啊，是自己找回來以前的朋友。」
唔知係咪蘭子呢番說話，辣㷫咗一個叫Crystal嘅女性朋友，搞到Crystal爆seed喺fb鬧爆反擊：「陳淑蘭你當了半世人半紅不黑，人格必須是你需要檢討的一個課程，朋友一大堆都被你嚇跑掉……」呢位朋友又指蘭子利用朋友：「朋友有利用價值時你『底褲』都肯除埋俾人着，沒用就即棄……你是公司CEO嗎？你是以『利太』身份嗎？如果甚麼都不是...別以公司姿態和身份去以公司名義公佈朋友去向...」
之後Crystal講到出於朋友身份先好言相勸：「朋友一場唔想你失禮同自己攞個架來丟，又失禮老闆利生，一場朋友想保你不希望你被小職員背後議論紛紛被恥笑，你卻忠言逆言……發瘋發癲……說實話正常人都知道公司有公司規矩同政策！由於你身份不明不確問題……公司行政上一切不需要跟你一個『不明物體』交代……當日你的瘋人瘋語我都已向利生交待清楚……你直接向他問明便是，不要謠言惑眾騷擾朋友們，你給我食的死貓我忍讓並不代表我會接受！」
對於點解喺fb話引狼入室，有人順手牽羊，以及Crystal鬧爆蘭子出賣朋友等言論，《蘋果》今日聯絡蘭子，佢以短訊回覆話：「您好，我現在不在香港，於海外專心進修商業課程，感謝您的短訊。」
精選娛聞，喺晒《娛果》
http://fb.com/appledailyent
| 蘭子於facebook指自己引狼入室，上了一課。 | | |
| |
|
鍾意就快D Share啦！
|
|
|