現年30歲「警鐘胸」女模Jessica C.和安志杰（Andy）已育有兩歲長女Tessa，本周二再添新成員，JC順產再誕下囝囝Elvis，母子平安，安志杰更抱着Tessa來接媽咪及弟弟出院。安志杰一家四口更拍下溫馨片段，感謝太太為他誕下一對可愛子女。
跟貓王同名
JC今胎誕下兒子，湊成「好」字，老公安志杰推掉數個工作陪老婆待產，當然亦有入產房陪JC。他昨日接受訪問時說：「太太19號作動，生產過程好順利，入產房10幾分鐘BB就出世。」安志杰續說：「BB出世一刻，自己好surprise，因為係big baby，8.8磅、身長53cm，醫生都話好勁，好少咁大巨B，全家上下都好開心。」安志杰透露囝囝中文名暫時未改，但英文名Elvis，跟貓王名字一樣。
順產後康復快的JC，僅住院兩日便出院，現已回家坐月，她說：「好多謝陀B後好多家人及朋友關心，最touch係阿姨專登坐長途機由芝加哥嚟香港，陪我待產。而Andy媽咪同妹妹都有飛過嚟等BB出世，全家上下都好開心，今次生產咁順利，感謝上天畀我咁大福氣。」問到可會再生第三胎？她說：「順其自然，不過現在BB好細，就算再生都要等一段時間。大女見到細佬第一眼已情不自禁不停錫，又好細心take care細佬，好錫細佬，屋企人都好開心。」
老公陪入院
JC沒有中國人傳統禁忌，生B前一天還去游水及逛街，她說：「希望囝囝身體健康！多謝老公，嫁到呢個老公我真係覺得好幸福、好幸運，Andy仲係好爸爸，今次入院48小時都全程陪住我。」JC生完仔還立即飲一杯冰水，回家又口痕食雪糕，她產後為囝囝餵人奶。安志杰家人探望BB時，媽咪金燕抱着孫仔笑到見牙唔見眼，胞妹Dra昨在Ig貼相，當時JC正餵BB食人奶。
採訪：葉晴
|
鍾意就快D Share啦！
|
|
|