十五歲已經入行做歌手嘅謝霆鋒，因為最初不被接受，經歷過被噓日子，令他缺乏安全感，雖然這十多年來一直在幕前演出，他練功夫學煮嘢食不斷增值自己，今時今日，就連煮嘢食都好有成績。
霆鋒日前在飲食節目透露新研發手工掛麵，,不單用咗好多特別材料，更不似坊間麵咁多添加劑。他即將會像鋒味曲奇，推出自家品牌拌麵。
事業有成，霆鋒跟火火回憶自己捱窮日子，他說：「我梗係試過窮，當年同Mani(霍汶希)去㩒機攞錢，到我時，我戶口唔夠一百蚊，所以攞唔到錢。佢好大聲話，一百蚊都冇唔好學人㩒機。本來冇人知謝霆鋒排緊隊，佢講完之後，好多人留意，嗰次真係好瘀。」
莫欺少年窮，霆鋒憑努力和打不死精神，勤力密密做，二十歲已經有經濟能力幫讀大學的謝婷婷交學費，而家更無需多講，佢負責養起一家人，又送車送樓俾老豆謝賢，好孝順。
- 霆鋒跟火火在節目中煮拌麵。
- 兩人煮嘢食之餘，又回想捱窮日子。
來源 source: http://nextplus.nextmedia.com
|
鍾意就快D Share啦！
|
|
|