早排有網民有「連登」貼文，分析九十後男仔成家立室難度，當中租樓家庭要成家立室難度會得非常高，要「上車」置業都要靠家人。事實又是否如此？本刊記者訪問過多名九十後大專生，男同學們認為有錢有樓的確重要，但女同學們認為即使男方沒有樓，將來也可以兩口子一同「捱」，有錢有樓不是擇偶必然條件。成家與上車，都不一定要靠父幹。
其中，方同學說道希望將來的另一半屬「第二級」，即「上車靠父幹」的中產一族：「如果有首期，跟住兩公婆一齊供，都是可以的。」但強調那不是擇偶底線「最重要是有住的地方賺到錢讓兩公婆生活。」
方同學又認為一旦成家立室，夫妻最好獨立生活：「女仔都未必想同另一半嘅父母一齊住，近排TVB劇集都有講啦。」
蔡同學亦認為，有樓對成家立室是非常重要：「因為我覺得係一個家庭嘅基礎」 但係若然對方沒有也不要緊：「大家一齊努力囉。」她又認為倘若要上車，也不一定要完全依據家庭支持：「因為我覺得買樓呢樣嘢係同屋企人無關，都一定要係自己努力返嚟。」
「你唔可以攞咗屋企人嗰層樓㗎嘛。」
另一名受訪的何同學，更認為置業並不是成家立室的必要條件：「我覺得可能係有個穩定嘅工作可以負擔到生活，咁就夠㗎啦。」
「而家香港好難買到樓冇樓，都可以租住先。」她又認為自己可以接受另一半屬「第四類」，即不富裕的私樓家庭：「我覺得冇樓，但其實係可以一齊儲錢搵首期。
不過，相對於女同學多稱願意同甘共苦，男同學們多認為上車是成家立室的重要條件：「而家啲女仔嘅家長都話樓係見面禮，有樓先可以溝佢個女。」戴同學斬釘截鐵的嘆道。
認為自己屬「公屋廢老之子」的戴同學又形容目前要成家立室，最少要有五百萬，但樓價年年升，估計仍要非常長時間去儲錢上車：「我自己起碼三十歲先可以成家立室了。」
撰文：忻肇康 曾敬文
攝影：李育明
相關連結：
【港男成家難度分六級】上車靠父幹 租樓族最慘？絲打恥笑：成班裙腳仔（足本版）
http://bit.ly/2uyWoeD
請參與壹週刊大獎賞活動！有機會贏取郵輪假期 、名牌腕錶、4K超高清電視或金箔護膚品，仲有機會同陶傑共晉晚餐添！
即按：http://bit.ly/Appinstall18
來源 source: http://nextplus.nextmedia.com
|
鍾意就快D Share啦！
|
|
|
