掃呢頁CODE去手機

2018年7月20日 星期五

【動畫】《BB來了》勾起結婚念頭 李佳芯計劃明年出嫁? __,李佳芯,

李佳芯(Ail)喺舊年憑住《踩過界》,成功躋身一線花旦行列,最近佢喺《BB來了》飾演嘅新手媽媽,得到唔少網民嘅讚賞,形象更加入屋。話晒Ail都已經到咗 ...


李佳芯(Ail)喺舊年憑住《踩過界》,成功躋身一線花旦行列,最近佢喺《BB來了》飾演嘅新手媽媽,得到唔少網民嘅讚賞,形象更加入屋。

話晒Ail都已經到咗適婚年齡,而且同男友陳炳銓(Danny)感情穩定,昨日就有周刊報道話,Ail拍完呢套劇之後,勾起咗結婚嘅念頭,所以近排四出睇樓,計劃明年結婚。報道仲話本來Ail一直都係工作狂,但自從舊年佢發現喺卵巢附近有個10cm嘅囊腫,而要入院做手術。經過呢件事之後,Ail體會到健康真係好重要,亦開始為將來做打算,計劃拍完《殺手》之後休息,專心籌備人生大事,o依家佢哋先喺西貢同將軍澳一帶物色三房單位。

外間一直覺得Ail同Danny呢段關係係女尊男卑,但事實上Danny除咗係ViuTV嘅藝人外,本身都參與唔少幕後嘅工作,好似喺O依家播緊嘅《Plan B》,Danny演出之餘,仲兼任製作經理同戲劇指導,而且佢喺舞台劇嘅經驗都好豐富,所以喺Ail睇中係潛力股!

Ail昨日回覆傳媒話:「我不在港,只能答你不是,其實之前訪問都答過好多次了,不是。」




鍾意就快D Share啦!