掃呢頁CODE去手機

2018年7月20日 星期五

【爆相爆片】大劉扯火鬧希慎少女︰積你個福!受傷係咪你賠呀? __,大劉,劉鑾雄,

人稱「大劉」嘅華人置業老闆劉鑾雄出名好火,即使就快67歲,鬧起人上嚟依舊中氣十足,佢老人家前日就喺銅鑼灣希慎廣場,因事同一位路過少女發生爭執,引嚟途人 ...


人稱「大劉」嘅華人置業老闆劉鑾雄出名好火,即使就快67歲,鬧起人上嚟依舊中氣十足,佢老人家前日就喺銅鑼灣希慎廣場,因事同一位路過少女發生爭執,引嚟途人圍觀。

讀者傅先生喺當日下晝5點左右,由希慎廣場啟超道入口準備行入商場,離遠就見到大劉喺七人車步出,連埋保鑣一行數人,浩浩蕩蕩咁行入去,當傅先生搭扶手電梯上1樓,已經聽到有人嘈交,但就唔知係邊個,到步上往2樓嘅扶手電梯時,終於聽得出把聲係來自大劉,佢老人家竟然一路鬧到上2樓,當時佢身邊多咗老婆甘比,同相信係佢一對仔女秀樺同仲學,當大劉打算轉身走時,被罵嘅短裙少女還拖︰「你唔敢呀?」仲叫佢「積福」,呢一句就辣慶咗大劉,「積你個福!積你老母!佢(子女)受傷係咪你賠呀?」少女辯稱︰「我睇緊㗎!」大劉再爆一句︰「你掛住睇你嘅(手)機呀!」

甘比撲火失敗 囡囡變救星

雖然大劉戴住口罩,拎住枴杖,但依然中氣十足,仲睩大對眼,睇得出佢非常嬲,而甘比就全程都企喺大劉同少女中間,安撫丈夫,但似乎唔多成功。呢個時候,救星到喇,一位相信是大劉同甘比嘅囡囡秀樺,行埋大劉身邊,叫咗聲「爸爸」,原本怒火街頭嘅大劉,火氣即刻下降,轉身走人。短裙少女表現無奈兼擰晒頭,途人忍唔住話︰「有錢大晒!」

傅先生估計,短裙少女喺搭扶手電梯時,掛住玩手機而阻住大劉一家嘅去路,仲撞到佢一對仔女,令一向愛子女心切嘅大劉扯火鬧人。不過傅先生認為,無論件事誰對誰錯,大劉係富豪兼名人,公然同途人嘈交始終有失身份,「幾十歲人同個女仔嘈,好心就收吓火啦」。

你敢爆,我敢獎! 即Call《蘋果》24小時爆相爆片熱線63836568


鍾意就快D Share啦!