喺而家呢個年代，生仔生女都絕對冇所謂，好似郭晶晶、謝安琪咁，湊個「好」字當頭然好不過唔少女星一連生幾個都係女，咪一樣咁幸福！
好似邱淑貞咁，同沈嘉偉結婚之後，一口氣生咗三個都係女，沈月、沈日同沈星，三個都係「小美人」。尢其係大女沈月，個樣似足媽咪，兩母女行出街十足十兩姊妹，仲比網民捧做「最靚星二代」。
黎姿08 年嫁比富商馬廷強，首先生咗一對孖女，相隔兩年黎姿再生多個女，雖然追唔到仔，不過老公一樣咁錫。而家黎姿除咗做少奶奶，專心湊女，老公仲打本比佢做醫學美容生意，上年正式上市做埋Ceo ，家庭同事業一樣咁美滿。
仲有結過三次婚嘅鍾麗緹，同第一任外籍老公結婚，生咗第一個女。之後再嫁台灣音樂人嚴錚，一口氣再生兩個，清一色係女。經歷兩次婚姻失敗，前年鍾麗緹再同細十二年的張倫碩結婚，而家三個女同新任老公相處融洽，上年兩人結婚一周年，鍾麗緹仲將三個女改名跟老公姓。
立即按此連結下載APP：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
