每日大量精彩內容，立即按此連結下載APP：http://bit.ly/next28app
嘩，呢個男仔唱《約定》唔錯喎，邊個嚟架？「Hello大家好，我係洪嘉豪，係今年啱啱進軍樂壇嘅新人，剛剛推出咗自己第一首單曲，叫做《半天空檔》，呢首歌係我自己作曲，陳詠謙填詞，Larry監製同編曲，呢首歌我覺得好適合一大班朋友放假嘅時候去玩、去曬太陽，或者去沙灘嘅時候聽，希望大家鍾意！」咁嘉豪係點樣入行嘅呢？「華納唱片有一個活動叫做「華納想識你」，喺網上出咗個post，招攬一啲想做歌手，但未有機會嘅人。咁就要俾啲自己唱歌嘅片，或者一啲自己嘅作品，我就將自己之前寫落嘅一啲demo，同埋自己一啲唱歌嘅片就send咗俾佢哋，佢哋就約咗上去面試！」
唔知歌手係佢第幾份工呢？「歌手係我正式簽約嘅全職工作，之前嗰啲全部都係兼職形式，當然之前讀書做過暑期工，之後讀演藝學院嘅時候，就兼職做關於音響嘅嘢。」聽講嘉豪之前有幫師姐Janice演唱會唱和音。「其實好興奮、好開心，我以為自己會好驚好緊張，因為個幕一跌落嚟，對住萬幾位觀眾，我以為會好緊張，但喺嗰一刻原來又唔係想像中咁緊張，因為可能一嚟知道主角唔係我，二嚟我知道要好集中咁做好嗰件事，因為我係第一次公開唱和音表演，始終難度好高之餘，同埋我好想做好佢，難得有呢個機會，Janice又對我好好，所以我唔可以拖垮、累到人，所以就好專心咁做，但係好開心學到好多嘢。」
採訪：肥A
攝錄：黃志明
髮型：Haysses Ip@HAiR
化妝：Chi Chi Li
來源 source: http://nextplus.nextmedia.com
|
鍾意就快D Share啦！
|
|
|
