藝人同助手、經理人日見夜見，真係好難講…
圈中藝人貴人事忙，成日做到冇時停，見同事仲多過見屋企人咁滯，平時同佢哋關聯最密切嘅都非助手/經理人莫屬！所謂日久生情，藝人同助手或經理人因此而撻着嘅例子唔算罕見，因工作而形影不離，仲好易被網友捕風捉影，繼而傳出緋聞。
古巨基
古巨基太太Lorraine由1993年開始做古仔助手，二人緋聞傳足多年，但Lorraine因怕戀情影響古仔事業，一直以來都甘於做佢背後的女人，堅持低調行先，無怨無悔地做「隱形女友」。直至2014年，二人拍拖20年終拉埋天窗，正式公開關係。
張震
台灣藝人張震本身緋聞女友不乏，好似性感女神舒淇、林嘉欣等，不過原來佢嘅真命天女係助手莊雯如！有指張震為電影《吳清源》學日文，剛好莊雯如日文流利，助手變日文老師，日久生情變為情侶，二人最後於2013年舉行婚禮，2015年誕下可愛囡囡。
蕭敬騰
歌手蕭敬騰出道11年鮮有傳緋聞，唯一就係同年紀大佢12歲嘅經理人林有慧（Summer）！兩個人曖昧情傳足多年，除工作場合出雙入對外，又被指會為對方夾餸、搭飛機時頭靠頭瞓覺等，最近蕭敬騰受訪時更忽然鬆口告白經理人，令緋聞甚囂塵上。
阿信@五月天
出道多年嘅阿信，感情生活勁低調，只係被拍到過一位圈外女友「蛋蛋妹」，不過近年就不斷傳出佢同助理「表妹」拍拖，面對記者追問，阿信都淨係以「謝謝大家關心」回應，唔承認又唔否認，令網友更有聯想。
來源 source: http://hk.on.cc
|
鍾意就快D Share啦！
|
|
|
