熱爆娛樂: 【告別菜街】殺街前留影譚詠麟麥明詩都有出現 _

2018年7月30日星期一

【告別菜街】殺街前留影譚詠麟麥明詩都有出現 __,麥明詩,譚詠麟,

旺角西洋菜南街行人專用今晚「殺街」，除咗黃夏蕙同艾美琦等落咗去「開騷」外，原來菜街今晚都好星光熠熠，事關原來連譚詠麟同埋被喻為最貼地港姐冠軍嘅麥明詩，都有去現場，不過譚校長就較為低調，同許冠傑綵排完演唱會嘅佢，落到旺角就戴咗頂cap帽，而且更幾乎遮咗佢半塊臉，似係怕俾人認出。

至於麥明詩，則素顏到場，吸引好多途人搵佢影合照，至於麥明詩係唔係為「殺街」而專誠去現場，事後麥明詩回覆傳媒：「啱啱約咗朋友喺旺角食飯，喺隔籬街，食完咪去睇吓囉。」問佢見到「殺街」有乜感受，佢就話：「以前細個都有去旺角掃街，會懷念。」

精選娛聞，喺晒《娛果》

http://fb.com/appledailyent

（譚詠麟微博圖片）	原來譚校長今晚都有落旺角。	 仲好有型地擺pose。
 睇校長去到旺角件衫，同阿Sam綵排時係一樣o架。（譚詠麟微博圖片）	 去咗菜街嘅麥明詩，亦有喺IG出限時動態。（麥明詩IG圖片）	 （麥明詩IG圖片）
 好多途人都搵麥明詩影合照。