23歲出爐港姐冠軍陳曉華一夜成名，連帶跟舊愛狄以達嘅過氣戀情，都引起大家嘅關注，去年12月兩人仍是熱戀期，原來經常孖公仔現身九龍灣，曾多次被讀者陳先生撞破拍拖，現透過「爆相爆片」分享呢段逝去的戀情。
返輪班工作嘅陳先生接受《蘋果》電話訪問表示：「我喺九龍灣撞過佢哋幾次，有次朝早7點幾喺條街見到佢哋，有次就係舊年12月，嗰晚凌晨喺便利店又撞到佢哋，狄以達仲抱住隻狗仔，兩個買咗一堆零食，冬天都買雪糕食㖭。」當時陳先生雖然有影相，但當日陳曉華未選港姐，只係一個普通女仔，所以就冇報料，直至陳曉華當選港姐冠軍，跟達仔嘅過氣戀情被翻舊帳，陳先生才記得當日喺便利店見到嘅女仔，就係新鮮出爐港姐。
陳先生話印象中陳曉華好高：「記得佢冇化妝，感覺上係普通女仔，同達仔成日咬耳仔。」從讀者提供相片所見，身高173cm嘅陳曉華，似乎比舊愛達仔高半個頭㖭。達仔嘅排舞室位於九龍灣，相信當日兩人熱戀時，陳曉華經常送上門陪男友，所以朝早同凌晨都被讀者撞破。
對於舊愛當選港姐冠軍，飛上枝頭變鳳凰，當晚達仔話忙綵排舞台劇，未冇時間睇港姐節目，要返屋企才重溫，日前《蘋果》再問達仔睇咗節目未？覺得舊愛表現如何？有冇覺得自己走寶？會唔會追番陳曉華？達仔竟抵死向舊愛偷橋，借用陳曉華在泳衣問答環節上，被問到在汪明荃、薛家燕、鄭裕玲之中揀一位做港姐，陳曉華就揀咗家燕姐，達仔表示：「umm，只能說，我都好鍾意家燕姐姐！」
精選娛聞，喺晒《娛果》
http://fb.com/appledailyent
| 港姐陳曉華同達仔已分手，但仍被讀者「爆相爆片」當年情。（讀者提供圖片） | | |
| |
|
鍾意就快D Share啦！
|
|
|