講咗六次對唔住！
《2018香港小姐競選》20位佳麗到銅鑼灣一化妝品店進行宣傳，（15）陳苑澄（Tania）因拍攝「Kiki Challenge」影片被指罔顧交通安全，遭到網民群起鬧爆，事件後首度露面的她明顯心情欠佳。
「冇諗過後果」
成為話題人物的Tania似有備而來，一接受訪問即爆喊，期間多次轉身抹淚，六度講「對唔住」並向鏡頭鞠躬：「我拍片時係輕率，冇諗過後果，令到觀眾有咁大抨擊，好對唔住。我罔顧咗安全，自己係有疏忽，對唔住。（畀TVB照肺？）監製何小慧有搵我傾偈，討論點去處理件事，因為始終有影響，畀咗我好多意見，依家係一個好好懺悔嘅階段。（勸你退選？）冇，好對唔住，令大家有咁多抨擊，當時冇諗咁多。」
問到會否擔心負上法律責任？Tania未有正面回應：「好對唔住，對年青人做咗個非常唔好，好壞嘅榜樣，對唔住。（喊到眼腫？）唔係，尋晚拍到朝早六點，同埋諗點回應呢件事，第一次面對咁嘅問題。（擔心影響選情？）希望公司原諒我，希望大眾原諒我，好對唔住。」
高育英講嘢口窒窒
另外，今日分組挑選化妝品及化妝比賽，最終選出多個獎項得主，包括「最佳口才獎」（7）丁子田、（8）陳靜堯，「最佳彩妝達人獎」（1）蘭倚婷、（2）庄嘉慧、（3）梁致欣、（4）鄧美欣與（5）鞏姿希一組，以及由現場選出的「我最喜愛佳麗獎」得主（17）陳曉華。而（18）高育英（Kelly）講廣東話口窒窒，「天然呆」後講普通話補救，表現麻麻。
來源 source: http://hk.on.cc
|
鍾意就快D Share啦！
|
|
|
