掃呢頁CODE去手機

2018年8月15日 星期三

愛情潔癖vs姐弟戀 37歲劉心悠怎樣揀? __,心悠,劉心悠,

Red Valentino黑色紗裙Stuart Weitzman藍色高跟鞋
RedValentino黑色紗裙StuartWeitzman藍色高跟鞋37歲劉心悠首部港劇《宮心計2之深宮計》上月播完,近期已火速投入新片,由向上爬的 ...


37歲劉心悠首部港劇《宮心計2之深宮計》上月播完,近期已火速投入新片,由向上爬的古裝元玥,變身非常貼地的靚女搬運工。劉心悠今次做訪問選擇題,入行14年近乎零緋聞的她,直認自己有愛情潔癖,心態上仍然未長大,想做一個小男孩。

撰文:林妙萍

攝影:周樂恒

化妝: Annie G.Chan of Annie G.Chan Make-up Centre

髮型:Eric Chow of Xenter



Q1:宮女vs公主

劉心悠:宮女。宮女可以自由自在啲,公主就成日要掛住儀態,唔啱我。

Q2:《步步驚心》 vs《宮心計2之深宮計》

劉心悠:《深宮計》!因為呢個角色對我挑戰大啲,由一個好細年紀做起,一路向上爬,集數亦比較多啲,難度高啲。

Q3:24歲vs37歲

劉心悠:37歲。呢個階段嘅我,更加懂得去體貼人、感恩,同埋會去珍惜身邊嘅事物,比24歲嗰個年紀聰明得多。其實,我心態上仲未長大,童心好似唔知幾多歲先,自己仲好似一個𡃁妹咁,但24歲時,有好多panic feeling。同埋,𠵱家健康我都幾滿意,so far so good!



Tibi粉紅百褶裙(Harvey Nichols)Oscar de la Renta耳環Jimmy Choo尖頭鞋 Tibi

粉紅百褶裙

(Harvey Nichols)

Oscar de la Renta

耳環

Jimmy Choo

尖頭鞋
Ports1961白色流穗冷裙Jimmy Choo麖皮長靴

Ports1961

白色流穗冷裙

Jimmy Choo

麖皮長靴

愛情潔癖

Q4:愛情潔癖vs姊弟戀

劉心悠:愛情潔癖。我覺得我直情係啦,你睇我,仲唔係?不過,呢嘢樣都唔使太擔心,因為我都係未ready,我未長大呀!

Q5:床戲vs癲婆

劉心悠:癲婆。兩樣都係我未演過嘅類型,咁床戲就係喺床上面做嘅戲,哈哈,咁我做過喇。我想做有肢體障礙嘅癲婆,好想試啲語言少啲嘅performance。

Q6:Wanna One vs Beyonce

劉心悠:Beyonce。佢由細到大嘅目標都好清晰,一直跟住自己嘅目標向前,佢好善心,係好啟發我嘅idol。

Q7:豬肉佬vs地盤佬

劉心悠:演戲嘅話,我會揀地盤佬。我好少食肉,見到咁多肉一齊好殘忍。我喺新戲係要做搬搬抬抬嘅,唔係好辛苦,我外形都fit到,有力嘅人唔代表要好有肌肉呀!



想做男人

Q8:男人vs女人

劉心悠:我想做男人。我係一個好boyish嘅女人,唔知點解做來做去都係啲好女仔嘅嘢,如果有boy,我會揀boy,因為我唔想長大。如果有得揀動物,我想做狗仔㖭!𠵱家做狗狗好幸福,成日俾人錫,俾人抱住出街,沖涼就咁攤喺度俾人沖,好好呀!

Q9:高跟鞋vs波鞋

劉心悠:波鞋。高跟鞋remind我開工,係開工鞋,波鞋就係放假嘅鞋。

Q10:長髮vs短髮

劉心悠:短髮。It's more fun、more playful,可以型、可以fun、可以亂、可以娘。可能我一入行就係長髮,基本上乜造型都試過,所以短髮好玩好多。



■劉心悠在新片中要搬搬抬抬,更指如果可以選擇想做男人。互聯網圖片

■劉心悠在新片中要搬搬抬抬,更指如果可以選擇想做男人。互聯網圖片

「麻煩大家笑多啲」

劉心悠由台灣來港多年,半鹹半淡的廣東話成為其標記,更連《深宮計》亦要為她度身訂做來自「外地」的宮女角色。其實有心人會聽得出,她由第一集到結局已大有進步,而她亦幽默到底,在網上開講做老師,挑戰廣東話急口令,「我好想分享,作為一個台灣人去講廣東話嘅難處係邊度,其實我一向好想work on點樣去減少口音,但原來唔得,都係一個特色!所以我以後會embrace我啲口音,麻煩大家笑多啲,我會學得快啲。」

至於有甚麼hidden talent?劉心悠說:「我乜用都冇喎,呢個係咪talent嚟?」苦思一輪,她才爆出特殊技能是閉上眼會看到七彩之色,「呢個係我學習冥想時,發覺合埋眼可以見到好多顏色,尤其係紫色,我以為自己有問題,仲走去睇眼科。」



更多精采時尚內容,盡在http://add.appledaily.com。




鍾意就快D Share啦!