掃呢頁CODE去手機

2018年8月15日 星期三

【好事近?】網民惡搞馬國明攬實晒婚戒 黃心穎︰大家仲心急過我! __,心穎,馬國明,黃心穎,

黃心穎同馬國明,幾時好事近?(網上圖片)
黃心穎同馬國明呢一對情侶,經常被人問幾時結婚,剛剛鄭嘉穎同陳凱琳拉埋天窗,有去峇里婚禮嘅馬國明,會唔會係下一個老襯呢?答案係……今日喺一個馬國明fan ...


黃心穎同馬國明呢一對情侶,經常被人問幾時結婚,剛剛鄭嘉穎同陳凱琳拉埋天窗,有去峇里婚禮嘅馬國明,會唔會係下一個老襯呢?答案係……

今日喺一個馬國明fans嘅ig度貼咗張相,相中馬國明攬住黃心穎,心中仲晒住一對結婚戒指添,驟眼睇好容易信以為真,其實係黃心穎早排拍咗個珠寶品牌嘅廣告主題係「結婚之考驗」,呢張相係心穎BB同另一個男model影,只係fans嘅p圖技巧高超,key到張相似層層。有唔少網友留言,如「想像力好!希望會成真」、「哈哈。我以為是真的」、「你真係p圖神手」等等。

對於呢張似層層嘅結婚相,心穎回覆傳媒話︰「呢位fans近日都不停key馬明嗰樣落我啲相度,第一個反應,佢key相技術好叻,見到大家啲comments仲心急過我,好好笑!」咁幾時會好事近?佢話︰「拍廣告同現實,我又分得好開嘅,不過如果可以一齊拍(指拍廣告),個感覺一定會更好。」

其實心穎之前講過佢夢寐以求嘅婚禮,係去一個與世隔絕嘅地方,搞一個簡單婚禮,仲要係喺海邊搭個帳篷,配合藍天白雲,加埋有live band,同親友食飯跳舞。

精選娛聞,喺晒《娛果》

http://fb.com/appledailyent

黃心穎同馬國明,幾時好事近?(網上圖片) 馬國明有fans整咗呢張相,連心穎都讚。(網上圖片) 馬國明有fans整咗呢張相,連心穎都讚。(網上圖片)
有唔少睇過張相嘅fans都讚好(網上圖片)

有唔少睇過張相嘅fans都讚好(網上圖片)
呢張係廣告嘅原相。(網上圖片)

呢張係廣告嘅原相。(網上圖片)
唔少網民,睇好佢哋係下一對結婚嘅情侶。(資料圖片)

唔少網民,睇好佢哋係下一對結婚嘅情侶。(資料圖片)
馬國明同一班鐵馬家族,剛出席完鄭嘉穎嘅婚禮,仲同對方慶祝生日。(ig圖片)

馬國明同一班鐵馬家族,剛出席完鄭嘉穎嘅婚禮,仲同對方慶祝生日。(ig圖片)

鍾意就快D Share啦!