唔知幾時會有好消息呢？
聽日（27號）就正式31歲嘅前港姐冠軍陳庭欣（Toby），撻着擁逾億身家老闆級的楊振源（Benny），今個月頭佢就玩自爆，喺社交網晒出拍拖相，話係人生中第一次放閃，搞到大家都估佢哋係咪好事近。
Toby自放閃後見親人都會不自覺提起男友，又會分享佢哋拍拖拍得好Sweet，而尋晚（25日）佢同大班好友飯局兼慶生，Benny都同佢黐到實一實，更加係男主人咁坐隔籬，都咪話唔煙韌。雖然佢哋就冇咩親密舉動，不過就勁有老夫老妻Feel，當Toby同大家舉杯時，Benny就喺佢身旁做佢「背後的男人」，望住女友微微一笑，眼神中嘅愛意，真係擋都擋唔住！
Toby今次當然都捉緊機會同男友示愛，喺社交網上載大合照，更直接嗌男友做「我的honey」，嘩，簡直係旁若無人！Toby寫道：「多謝咁多位兄弟姊妹陪我預祝生日，特別係我的honey 🍯♥。。。愛死你哋😘😘😘 」
來源 source: http://hk.on.cc
|
鍾意就快D Share啦！
|
|
|