車長都有失魂時！巿民林先生噚日(25日)喺沙田搭72號九巴去長沙灣，本身有駕駛習慣嘅佢，發現車長唔多熟路，先兜錯路入咗大圍巿中心，之後重新駛出大圍後，原應往大埔道方向行駛，但車長唔知係咪鬼揞眼，結果再揀錯路直上尖山隧道，車長駛至管道入口前先發現自己走錯線，結果駛入管道前方一個避車處，進退不得。
林先生話，由於隧道出入口車流繁忙，唔係隨便U-turn就可以返出去，結果車長求助公司及隧道公司職員，擾攘足足45分鐘先至由開路車帶返原定路線，佢亦要花咗個半鐘先到達長沙灣，搞到自己約人遲晒大到，非常不滿。
九巴發言人回應，當日下晝約5點，一架由太和開出嘅72號巴士，因為喺大圍選錯行車線誤駛入尖山隧道，隧道職員指示巴士駛回青沙公路轉車站，車長安排乘客轉乘其他巴士。對於事件令乘客不便，公司表示歉意，並會按機制調查事件。
其實巴士車長行錯路都唔係第一次，本月9日亦有乘客搭九巴43號去青衣時，懷疑車長唔熟路無端端上左象鼻山路，結果要另一架巴士帶路先可以返回原先路線，睇嚟車長真係要培訓多啲先得咯。
你敢爆，我敢獎！ 即Call《蘋果》24小時爆相爆片熱線：63836568
|
鍾意就快D Share啦！
|
|
|