港姐今晚喺電視城舉行決賽，由鄭裕玲（Do姐）率領農夫、麥明詩、馮盈盈、蕭正楠、曹永廉、陸浩明（6號）、麥美恩擔任司儀，再有李佳芯、劉佩玥、陳家樂等幾十位藝人擔任星級評判。至於最上鏡小姐嘅評判，則由田蕊妮、陳凱琳（Grace）、李施嬅同黎諾㦤選出。
眾女星啲打扮都好，媲美台慶，其中96年亞姐冠軍陳煒最吸睛，與人妻田蕊妮及Grace都都揀「中門大開」裝，想唔到年紀最大嘅煒哥最具睇頭！而今晚卸命港姐嘅雷莊兒就大V領晚禮服現身，邵珮詩同黃心穎就玩露背，至於李佳芯套裙勁似婚紗。
半個月前升任鄭嘉穎太太嘅Grace表示今天一身裝扮都係自己揀，冇俾老公過目，對方亦冇要求睇，俾好大嘅自由度佢揀衫。問到佢習慣咗被叫為鄭太未？Grace笑指比上星期習慣得多咗啲，但對自己嚟講都仲係好新鮮，而且每次被叫做鄭太都會好開心。
提到佢有份揀最上鏡小姐，Grace坦言冇壓力，評審準則係笑容甜、開心自信嘅笑容最重要，仲要睇埋身材比例等等 。至於心水佳麗，Grace表示喜歡7號丁子田，覺得對方很靚，有種高貴優雅氣質。
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|