早前宣佈懷孕的董敏莉日前與家人出發大阪旅行，適逢當地早前發生地震，令旅程一度考慮取消：「其實每年我都會同家人一齊去旅行，今年就連埋肚入面嘅BB一齊參與。其實由年頭開始夾家人的時間，點知出發前就有地震，所以都擔心架，加上日本熱浪持續，朋友都有勸我轉地方，但係屋企人都準備好酒店同機票，見情況有好轉所以照常出發。」
董敏莉笑言每天都準備好「大媽三寶」起行：風扇、退熱貼、毛巾出發，而老公沿途呵護備至，令Monie未感到辛苦：「當地日日都三十幾度，大汗淋漓咁去每個境點，加上孕婦體溫比正常人高，我又唔可以凍野，唯有睇住老公食西瓜、雪糕解暑。」
Monie指今次日本團「伙食差」，為肚中BB戒口：「咩都話唔食得，魚生個類唔洗預我，唯有食多點水果補數。其中一日我哋去左動物園，我行埋少少同鹿群影相，老公就好擔心叫我護肚，因為怕佢地撞到BB，呢份細心真係拍拖個時都未見過。」
來源 source: http://nextplus.nextmedia.com
|
鍾意就快D Share啦！
|
|
|