隔住個Mon都Feel到陳凱琳父母真係好好好好好開心！
藝人陳凱琳（Grace）與鄭嘉穎將於後日在印尼峇里島舉行海外婚禮，一對新人未見蹤影，而Grace的父母則於上午10點15分現身機場準備出發到峇里。陳爸爸首先現身出境大堂連聲感謝大家關心，他透露陳媽媽正處理機票問題。
問到一對新人是否同行？陳爸爸指二人昨日已飛抵去峇里，問會否不捨女兒出嫁？陳爸爸說：「嫁咗都會喺度㗎嘛。（擔心當地地震？）唔擔心。」
問到是否知道婚禮安排？陳爸爸指一切由個女安排：「全部係佢哋安排，唔到我哋話事，我哋係被動。」他又笑笑口說：「我真係冇乜嘢知。」有指一對新人將在加拿大補擺婚禮，他說：「唔係。（喺香港擺？）唔知道。」問陳爸爸畀未來女婿幾分？他笑說：「一定係100分，唔係100分都唔畀個女嫁！」
及後陳媽媽趕上，不過她在強勁的閃光燈下不慎透Bra。問經常陪Grace四圍飛的她，是否放手畀女兒搞婚禮？陳媽媽說：「唔係，不嬲佢都有自己做。」身為媽咪的她直言有點擔心當地地震情況。
另外，已飛抵峇里的準人妻陳凱琳今早就在IG上載早餐相，心情靚爆！
來源 source: http://hk.on.cc
|
鍾意就快D Share啦！
|
|
|