盧宛茵憑《BB來了》裡面嘅野蠻奶奶，令網民like爆，仲推舉佢為今年大熱女配。她雖有一個招牌笑聲，但一講到家事，盧宛茵就感觸，即場爆喊。好似當日佢拍《BB來了》呢一幕，佢話中曬自己嘅心聲，戲假淚真。
點擊圖片
BB來了觸痛回憶 盧宛茵提家事即爆喊
她跟帶著兒子，即盧宛茵孫仔來探班的次子阿匡說:「唔知你有冇睇，好似嗰一場講我睇住啲仔小時候片段喊嗰場，真係講起我都想喊。
真係好有共鳴，所以呢套劇成功在又有悲情一面，又有攪笑一面，
我真係覺得呢套劇寫得好好，同埋我好眼淺，少少嘢就咁。」
觸景傷情的，還有是她婚姻破裂，變單親家庭的背景。她說:「有時諗番起離婚，不過而家個個都自立，佢哋有自己嘅家庭，有佢哋嘅事業，我就好開心。」
73年，她在當紅時下嫁新聞主播何鉅華，之後退出娛圈，專心相夫教子，育有兩子一女的她，最後婚姻只維持十多年便離婚。
「係呀，嗰時其實我係最當紅嘅時候，喺《朱門怨》一炮而紅之後，七幾年時好紅，但就已經結婚，嗰時都有人話你咁就嫁咗人，通常一般都唔會，因為你當紅當紮嘅時候，突然走去結婚，跟住就退出，完全退出無做，我都有好多年無做，因為嗰時生兒育女，照顧小朋友，後來我諗都有十年八年，到啲仔女比較大，咁啱搵番我同大碧姐拍嗰套《季節》，就返出嚟拍《季節》，一直就做到而家。
我又無後悔，我覺得有得必有失，而家連孫仔都有，我好開心，覺得始終都係兒孫滿堂好啲，唔係孤令令一個人。」
婆媳關係，她說要保持清淡，才以策安全。
我好開放，新抱有時都會送啲手袋俾我，唔會話有咩階級、裝起個款咁樣，我好隨和。有句說話「相見好，同住難」，你日日見日日接觸，一定會有磨擦，所以最好耐唔耐見吓，關係淡啲咁就無嘢，最好唔好一齊住，唔想咁多磨擦。」
立即下載Apps，隨時隨地睇盡時政專題、深度偵查、娛樂熱話！按此連結：http://bit.ly/next 28app
- 提到劇中一幕係佢現實中感受，一時感觸下就喊咗出嚟。
- 講完傷心處，見到兒孫嘅盧宛茵就即刻笑番。
- 70年代當紅嘅盧宛茵，為結婚退出娛圈，專心相夫教子，可惜最後換來破裂婚姻，單親家庭照顧孩子。
- 當年出道不久，喺大台劇《朱門怨》演二少奶，即時走紅。
- 八十年代復出，與鄧碧雲拍《季節》。
- 呢張五歲童年相，係佢爸爸操刀影，當時佢手拿一部相機，加上一個招積樣，爸爸攞張相寺參加攝影比賽，最後獲獎。
來源 source: http://nextplus.nextmedia.com
|
鍾意就快D Share啦！
|
|
|