冇見一排張馨予，原來佢婚都結咗喇！
內地女星、現年31歲嘅張馨予上月頭被爆有新歡，三月公開新戀情嘅佢收收埋埋，原來佢已經極速閃婚！曾先後戀上藝人吳卓羲、李晨等嘅張馨予，今次唔揀圈中人，轉攻大陸反恐特工何捷，佢仲忽然喺微博晒出一系列靚相，高調宣布佢已經結咗婚喇～
當中嘅相就記錄咗佢被老公浪漫求婚嘅Sweet爆咀嘴相，跟住又大晒大大粒鑽石戒指，轉頭又有溫馨錫額頭嘅領證相，當然唔少得靚仔靚女嘅純潔婚照，所有相都擺晒喺微博任睇，貫徹張馨予愛喺網上晒肉麻嘅高調性格！
兩個人外形襯到絕，有指何捷係特種兵、高級反恐人才，人稱軍營版楊洋。佢曾喺部隊比賽中獲得三個科目全場個人最好成績，他又參加過知識競賽節目《一站到底》，有指二人係透過綜藝節目中認識，繼而譜出戀曲。
來源 source: http://hk.on.cc
|
鍾意就快D Share啦！
|
|
|
