【ViuTV】經過首輪淘汰賽後，ViuTV選秀節目《Good Night Show全民造星》日前誕生55強，第二個階段便是30強。昨日ViuTV安排30位入圍者在邵氏影城出席記者會見傳媒，還有星級導師郭偉亮（Eric）、卓韻芝、劉美君、火火、馬天佑、側田等，星級評判則有李幸倪及盧凱彤，劉浩龍就擔任表演嘉賓。而擔任司儀的黃心美為了今次活動特別悉心打扮，性感晒事業線。
| | |
每組再淘汰10人
30強分成A、B Team，B Team導師卓韻芝興奮跟學員合照：「冇得食都睇吓吖嘛！」卓韻芝覺哪一位最好﹖她答：「有幾個都好好，噚日我發脾氣鬧佢哋，鬧完後，頭先綵排，表現非常好。」Eric則說：「前日睇覺得佢哋好危，每組要再淘汰10個。」卓韻芝着重提點學員：「99號姜濤好冇自信，我起初以為佢扮怕醜，佢以前係肥仔，相處後佢真怕醜。」Eric指姜濤年紀細有壓力，心理質數未夠好，加上經常被鬧。卓韻芝則說：「我會喺決勝時讚佢哋，令到佢哋充滿自信去考呢個試。」Eric表示節目適合父母跟子女一齊睇：「電視間接影響到，唔可以遲到、喺背後講人哋壞話，直情教育電視。」
許靖韻舊愛入圍
姜濤參賽後已添自信：「各方面我都冇乜專長，我唱歌跳舞好平均，冇凸顯到好優勝地方。」姜濤多謝網民看好。有報道指參賽者容穎賢（Kenny）是英皇「小背心」許靖韻的男友，但30強止步，不過許靖韻舊愛羅啟聰（狗毛）卻打入30強，他昨說：「我唔知佢哋係咪一齊（拍拖），我聽朋友講過見到佢哋一齊出去。」
卓韻芝將於下月15日跟未婚夫梁子賢結婚，她說：「頭先有人問我點解唔請佢，我話其實請帖未印起，我喺請帖上寫咗首詩，有時改吓字，搞到𠵱家都未印起，呢個係未婚夫嘅建議。」網民評有參賽者走音卻靠樣出線，劉浩龍說：「唱歌的確有啲問題，呢個係造星比賽，佢哋玩靚仔、跳舞，夾夾埋埋又OK。」容祖兒前晚為媽媽慶生，未見他出現，他說：「祖兒同佢媽咪慶祝就得啦，佢哋玩得開心就得」
採訪：黃曉妍
攝影：林賓尼
|
鍾意就快D Share啦！
|
|
|
