掃呢頁CODE去手機

2018年8月5日 星期日

英超Fever:25秒破冰會面!曼聯即扑6000萬鎊大DEAL __,曼聯,

英超嘅轉會市場仲有4日就完結,曼聯會唔會如願簽入猛將係焦點之一,近期盛傳領隊莫連奴同行政總裁伍德沃德不和,「寸王」更曾公開批評伍德沃德「增兵不力」,令 ...




英超嘅轉會市場仲有4日就完結,曼聯會唔會如願簽入猛將係焦點之一,近期盛傳領隊莫連奴同行政總裁伍德沃德不和,「寸王」更曾公開批評伍德沃德「增兵不力」,令兩人關係跌到新低點。不過近日有一段影片流出,影片中伍德沃德同莫連奴匆匆會面,雖然交京談時間只係短短25秒,但已被視為歷史性破冰會談,據報「紅魔鬼」啱啱同熱刺達成6,000萬鎊收購艾達韋列特嘅大DEAL,似乎唔係巧合喎!

據英國《每日郵報》報道,影片係攝於上周三曼聯贏皇家馬德里賽後嘅球員通道,當時莫連奴已經準備走人,伍德沃德就從後追上嗌住寸王,兩人先係握手再拍膊頭密密斟,十足十久別重逢嘅人。事實上,報道指呢次會面係莫連奴同伍德沃德,喺17日嘅美國之旅唯一一次正面交談!不過遲到好過冇到,至少曼聯呢兩位話事人願意行出破冰第1步,絕對係球迷樂見畫面。

呢25秒交談似乎亦有良好效果,英國《每日鏡報》、《太陽報》等齊齊爆料,曼聯已經同意用6,000萬鎊收購熱刺中堅艾達韋列特,而且預料下周二前可以落實。呢位比利時國腳同熱刺合約明年夏天就完結,「紅魔鬼」仍然出到癲價收購,顯示佢哋增兵極大決心。消息指巴塞隆拿中堅耶利文拿亦同曼聯傾得七七八八,但未知佢係艾達韋列特嘅「PLAN B」,定係莫連奴打算一箭雙鵰啦?

寸王同管理層破冰,當然係好消息,對球隊士氣肯定有幫助。紅魔鬼將於周日晚深夜於奧迪盃大戰拜仁慕尼黑,紅魔鬼肯定踢得更加醒神,呢場波東網有得免費直播,各位記得Download東網App,即場睇呢場大戰!

收看直播,請按東網APP頂部的直播ICON;或按以下直播Link:http://tv.on.cc/live 

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!