2018年8月29日 星期三

拒轉行致離婚李道洪指前妻厭惡影視工作 __,

李道洪前妻梁小玲與李司棋(左)及黃韻詩(右)同於1968年麗的映聲第2期藝員訓練班畢業。
李道洪前妻梁小玲與李司棋(左)及黃韻詩(右)同於1968年麗的映聲第2期藝員訓練班畢業。李道洪強調雖然經常到夜場工作,又曾投資過卡拉OK,但自己不愛飲 ...


李道洪強調雖然經常到夜場工作,又曾投資過卡拉OK,但自己不愛飲酒,不愛在夜場流連:「尤其自己係一個咁樣嘅job,就更加要錫身,通常我唔喺夜場蒲,反而拍完我就走,唔會喺度玩。要錫身同好小心啦,我寧可談情說愛交女朋友,都唔敢周圍食野味。」

談情說愛的結果,為李道洪換來兩段婚姻。他的前妻是梁小玲,亦即是無綫「御用癲婆」趙希洛的母親。「我哋係好早期一段婚姻,可以話誤會而結合,了解而分手。麗的時間認識,跟住我哋拍拖,跟住我哋唔合就離婚,前後都有四年。74年結婚,78年離婚。」退出娛樂圈多年的梁小玲,是李道洪麗的訓練班師姐。梁小玲鏡頭前飾演情婦、二奶角色,但李道洪透露,其實她早已厭倦娛樂圈這個花花世界:「佢係一個好純樸嘅人,佢唔慣影視圈嘅虛偽圓滑,我哋影視圈鍾意埋堆,佢又唔埋堆,唔鍾意太多應酬,而我係幾喜歡埋㗎,譬如同發仔(周潤發),我哋收工會一齊去消夜。」



梁小玲與富商再婚後,生下女兒趙希洛。資料圖片 梁小玲與富商再婚後,生下女兒趙希洛。資料圖片

拒轉行致離婚

梁小玲除了不喜歡應酬,希望李道洪轉工也是二人離婚原因之一。李道洪苦笑說:「我讀書係讀理料,跟住去台灣讀土木工程,佢認為我應該做工程師,但你台灣讀書,喺香港係攞唔到牌做工程師。我認為電視條路啱行,但佢認為條路唔啱行,我哋為呢件事拗咗足足四年,拗到我喺台灣紅咗,佢都唔接受呢件事。」跟前妻再見亦是朋友嗎?他說:「再見有打吓招呼,因為雙方有不同家庭,唔希望有另外一個誤會。」

李道洪於96年在亞視版本的《我和春天有個約會》飾演白浪哥,劇集在內地反應熱烈,帶挈李道洪在內地長搵長有。99年尾,他娶了比自己年輕21歲的上海姑娘為妻,「到咗我呢個時間年紀漸大,我希望家庭為主,所以由我大仔出世之後,我就減少工作量。」兩人育有18歲大仔Winston和14歲細仔Victor,兩子漸大, 李道洪坦言有興趣回歸拍港劇:「今年我同亞視無綫接觸番,有啱嘅角色劇本,我好有興趣返嚟。」

場地提供:Gulu Gulu




鍾意就快D Share啦!
Related Posts Plugin for WordPress, Blogger...