2018年8月29日 星期三

娛刺撈飯:唔病唔知囡囡好!余德丞死過翻生後宮爭做公關 __,余德丞,

生得靚仔係着數嘅!唔試唔知身體好,唔死過翻生,余德丞(Dickson)都唔知自己咁受歡迎!Dickson呢趟來回地獄又折返人間,好比生死時速,好多人幫 ...


生得靚仔係着數嘅!


唔試唔知身體好, 唔死過翻生, 余德丞(Dickson)都唔知自己咁受歡迎! Dickson呢趟來回地獄又折返人間,好比生死時速,好多人幫佢集氣,由鬼門關拉番隻腳上嚟,喺各大討論區都好耐冇見過香港人咁齊心。

廣告都有話「XX女傭融入家中」,原來Dickson做咗「最後冇事」,真係可以令佢融入家中喎!有理由相信佢出番嚟,就算呼吸都可以成為各大報紙頭條,做得再好啲,彭于晏男神地位都隨時不保!

排隊為仔「忙」

睇番Dickson嘅CV,Nuts哥再望望自己個大肚腩,真係想搵窿捐。擁有42吋胸肌嘅佢傳統名校華仁出身,曾入選香港游泳代表隊。有樣有身材不特止,本身係家中獨子嘅佢,家住2千萬的跑馬地豪宅,同天王郭富城做鄰居……公平咩?呢個Package簡直令女人心動,男人葡萄啦。

Dickson對雌性動物有核爆級威力,睇吓喺佢踢波出事後,一眾雌性為佢所做嘅一切就可見一斑。Nuts 哥喺Forum見到有一句「余德丞是上帝根據世界的需要而創造的;女人是上帝根據余德丞的需要而創造的。」畫龍點睛道出事實真相,除咗佢入院冇耐,蔡思貝、湯洛雯、蕊蕊、徐玟晴、化妝師緋聞女友Chole秒速深夜趕往探望外,麥明詩、張寶兒亦都為男神喺網絡世界出現亂子,唔難發現呢班為Dickson「忙」嘅都係女,全部都係女!

張寶兒衰多手「黑白錯」

有口痕網友喺Dickson危殆期間,留言話:「又話前香港泳隊嘅,點解咁弱㗎?」麥明詩見到如此涼薄說話,登時不平則鳴為Dickson反擊:「如果有隱疾好難事先Check 到,唔該慳番啲風涼話。」麥明詩此舉的確正義凛然,但亦觸動舊愛林作神經,喺網上發文煲乾醋,搞到一地花生。

Dickson昏迷亦帶出一個重要議題,就係公關嘅重要性,就如黃子華講過:「做人冇公關就食屎」,袁偉豪女友張寶兒就因為咁吃咗一記……悶棍。話說張小姐喺Dickson危急存亡之時甫咗張黑白合照,崩口人忌崩口碗,擺明無知錯要認打要企定,佢再犯下第二個公關災難,話自己一早將合照設成黑白色,到Dickson入院,先放相去ig,仲話自己曾閃過要轉番彩色嘅念頭,但當時同人傾緊偈,唔係專心先會咁……咁嘅公關處理,你話網民會將佢點處置?

笨人出口遭圍剿

另一個陷入公關災難就係前無綫藝人李雯希!槍打出頭鳥,喺Dickson情況未明嘅時間,就連Dickson媽媽都未出聲講個仔病情,李小姐就代言人上身,轉述其狀況,引起網民圍剿之餘,無綫內部都對李小姐行為有所不滿,李小姐最後跪低在所難免。

一石激起千重浪,Dickson今次死過翻生引起嘅話題史無前例,生得靚仔係着數嘅,但保護靚仔都要講公關,千祈唔好用錯體位諗晒,砸親腳趾就唔好


來源 source: http://hk.on.cc
鍾意就快D Share啦!
Related Posts Plugin for WordPress, Blogger...