掃呢頁CODE去手機

2018年8月29日 星期三

【阿Kay知唔知㗎】好開心同邵美琪合作 張繼聰:我細細個已經好鍾意佢 __,Kay,繼聰,謝安琪,邵美琪,張繼聰,

(攝影:陳慧安/資料圖片)
由周秀娜、張繼聰及邵美琪等主演嘅電影《女皇撞到正》,噚晚係尖沙嘴舉行慰勞宴。張繼聰話套戲係以90年代為為背景嘅驚慄喜劇,故事講珍惜眼前人,戲中有陰陽眼 ...


由周秀娜、張繼聰及邵美琪等主演嘅電影《女皇撞到正》,噚晚係尖沙嘴舉行慰勞宴。張繼聰話套戲係以90年代為為背景嘅驚慄喜劇,故事講珍惜眼前人,戲中有陰陽眼嘅周秀娜撞鬼,同被鬼上身嘅張繼聰交流,張繼聰話:「上我身嘅有邵美琪、吳耀漢同葛民輝,我要扮演每個人講嘢,唔算好難,因為佢哋每個人有自己嘅特質。」



張繼聰表示,好開心能夠同邵美琪合作,佢話:「我細細個已經好鍾意佢,睇住佢長大,佢係靚女天仙、好索,演技好嘅女演員。」問到張繼聰覺得邵美琪靚定係老婆靚,佢話今晚唔講老婆,老婆亦唔會反對。



周秀娜話同張繼聰、葛民輝合作好開心,周秀娜話:「佢哋有不斷嘅創作,同佢哋一齊合作要打醒十二分精神。」講到票房期望,周秀娜話唔擔心票房,希望有人鍾意齣戲,自己盡量做好自己演出,周秀娜透露,導演今次用咗90年代好有特色嘅電腦特技。



邵美琪被張繼聰讚美若天仙,佢話:「咁講非常唔好意思,大家做善事啫,同阿聰合作好開心,佢好投入,又勤力,又肯幫人,轉數快。」邵美琪話平時演戲都好緊張,今次做得好開心。問到佢會否演宮廷劇,邵美琪話要睇造型師能否令佢有突破。







精選娛聞,喺晒《娛果》

http://fb.com/appledailyent



(攝影:陳慧安/資料圖片) 張繼聰話細細個已經好鍾意邵美琪。 張繼聰話細細個已經好鍾意邵美琪。
邵美琪

邵美琪
周秀娜

周秀娜
周秀娜、張繼聰同邵美琪噚晚一齊出席電影《女皇撞到正》慰勞宴。

周秀娜、張繼聰同邵美琪噚晚一齊出席電影《女皇撞到正》慰勞宴。
邵美琪於80年代已經出道。

邵美琪於80年代已經出道。

鍾意就快D Share啦!