應采兒係個相當鬼靈精嘅人，就算已經35歲有埋個5歲囝囝，但依然好百厭抵死，無論說話、表情定係肢體，全部都充滿喜感。難怪最近成為內地綜藝節目新寵，拍完一套又一套啦。單單喺節目入面，唯妙唯肖咁扮佢老公陳小春嗰副黑面神嘴臉，都已經夠晒娛樂性！
齋睇應采兒嘅模仿，唔使見到本人，就知陳小春係幾咁麻甩、幾咁山雞。不過，山雞咗幾十年，陳小春都可以因為一個人而改變，嗰個人係得意仔Jasper。事關應采兒曾喺節目中話陳小春䟴(un)腳䟴得好誇張、食飯時嘅面目好難睇，但自從個仔出世後 「現在我兒子出生以後，他好了一點，因為我兒子會講他，我兒子會指著他說：『Daddy 』然後我老公就『哦』。他現在有收斂了。」相信大家都有睇過下Jasper喺《爸爸去哪兒》嘅表現，有個咁冧嘅仔，山雞會變一啲都唔出奇。
其實應采兒都有方法令陳小春軟化架，咪就係死𦧲爛𦧲令陳小春煩不勝煩囉：「（老公愛不愛我？）愛。（有多愛？）好愛。（1到100？）100。（嗯，好好。）」陳小春續說：「我以前不會回答，她現在要回答，逼我回答就回答吧。」
果然係「一物治一物，糯米治木蝨」。
立即下載Apps，隨時隨地睇盡時政專題、深度偵查、娛樂熱話！按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|