網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年9月28日 星期五

【每日壹爆●貴價屋苑也遭殃】內地團殺入翔龍灣 土瓜灣居民:好似返咗大陸咁!(足本版) __,大陸,中國,

土瓜灣一早已淪為內地團的購物熱點,近來連附近的貴價屋苑翔龍灣也遭殃。日前有居民在翔龍灣廣場發起示威,不滿有商戶專做內地團生意,擔心下月商場裝修後,情況 ...




土瓜灣一早已淪為內地團的購物熱點,近來連附近的貴價屋苑翔龍灣也遭殃。日前有居民在翔龍灣廣場發起示威,不滿有商戶專做內地團生意,擔心下月商場裝修後,情況更為惡劣。

由居民組成的新碼頭街內地團關注組召集人兼翔龍灣業主委員會主席劉約新表示,去年商場內一間酒樓轉手專營內地團,亦開始有店舖轉為經營手信店,商場不時出現大批內地遊客,對居民造成滋擾。現場所見,新碼頭街停車場經常有旅遊巴出入,午飯時分一大堆內地遊客魚貫進入商場酒樓。記者嘗試致電酒樓預訂,對方指以做團體生意為主,無法預訂。

廣場下月進行翻新工程,劉約新表示,收到消息指翻新後,廣場一樓將會改建為手信街,開設鐘錶、藥妝等店舖,「我哋居民唔係趕絕內地團,但你要有酒樓、超市畀居民用。」另一居民徐先生亦大呻,內地客湧進商場,令居民生活大受困擾,「啲大媽男廁都照入!佢哋用我哋嘅洗手間,又周圍扔垃圾,搞到亂七八糟,用盡我哋啲設施,啲工人又要幫佢哋掃垃圾,簡直係我哋住戶補貼埋管理費!」

翔龍灣廣場管理代理人冠威物業管理有限公司回覆查詢時指,並無計劃在商場翻新後專營旅行團生意,翻新工程主要是更新商場設施及調整部份商舖間格,並增設一條扶手電梯供顧客使用,又表示會跟翔龍灣業主委員會保持溝通,惟沒有提供改建後的店舖租戶名單。

土瓜灣早被內地團攻陷多年。翔龍灣附近的偉恒昌新邨地下有多間手信舖,不時有內地團停留在手信舖前,站滿行人路,街坊被逼要走到馬路。居民梁太無奈道:「一有團嘅時候我哋就過唔到,全部要走出馬路,又嘈,我住樓上都聽到嘈音,覺得自己好似返咗大陸咁!」

撰文:鄭靖而

攝影:鄭樹清

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!