蘇志威現在有舞蹈學校，又有男士禮服生意，兼且草蜢復活唱不停，同時做馬主拉頭馬，巧威威！
風生水起，他計劃幾年後銀婚再舉行婚禮，事關以前劉小慧為撐起頭家，跟他一齊捱，實在是好老婆。
97年結婚不久，蘇志威的唱片店和減肥生意先後結業，草蜢又未復活，同時遇上金融風暴，飛鵝山豪宅、買給外母住的西貢村屋、新加坡和澳門物業，全部變成負資產，要撲水供樓養家。
有幾年兩公婆不停去大陸登台，03年沙士高峰期，他們照去內地唱夜場，帶同女兒闔家搵銀，簡直搵命搏。
當年劉小慧走玉女形象，有不少大陸粉絲，平均每月接三、四場大陸騷，而且一手一腳搞掂髮型化妝，慳不少錢。
「無錢開飯，喊晒，大住肚嘅時候仲憂緊呢啲，呢個過咗去唔怕講。當時儲嘅錢唔係多，樓又供緊，仲要大埋肚添，真係死得㗎喇嗰時。遇到呢啲我就一定要解決，一定要諗方法。我大住肚已經諗，生完之後我唔理，大陸夜場我乜嘢都唱，搵朋友鋪定晒路。」劉小慧說。
現在捱過了，生活無憂，蘇志威計劃再投資運動用品生意，賺多一瓣。而19歲大女不讀大學，決定去日本學藝做甜品師傅，蘇志威會在當地買樓給她追夢，水頭充足。
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|