薛家燕女兒石祐珊坦言擔心過對方唔知對媽咪有咩目的。
藝人薛家燕原來「收埋」一個拍拖12年的商人男友，其長女石祐珊對於媽媽這段戀事說：「其實媽咪唔係想公開啲乜，只係閒談近況啫，至於媽咪嘅男友，媽咪係唔會公開佢張相，因為佢係圈外人。」
擔心過對媽咪唔好
問到身為仔女可接受媽咪這段感情，她說：「好支持，其實好早之前，我哋幾個仔女都好鼓勵媽咪拍拖，只係媽咪顧住工作，當初媽咪有人追，我哋都擔心過對方，唔知對媽咪有咩目的，但係喺呢12年嘅觀察，我哋覺得對方對媽咪好好，好細心，好真誠，真係深深畀佢打動咗，但詳情我唔可以講咁多，因為要保護佢哋呢段感情。（媽咪男友係咩類型？靚仔、實幹，佢哋合唔合襯？）實幹型，我已經講咗好多，雖然佢（媽咪男友）唔會成日喺香港，但都唔想嚇親佢，因為佢係圈外人，我哋見過好多次，其他真係唔想講咁多。」
問可想媽咪再婚？她說：「一定唔會畀壓力佢，但好鼓勵佢拍拖、甚至結婚，有人錫，有人照顧，如果將來有好消息，大家一定會知，唔會隱瞞。」不過石祏珊強調媽咪就算紅館演唱會後，明年開始減少工作，但一定不會息影：「因為媽咪好鍾意工作，只係我覺得媽咪都辛苦咗咁多年，係咪係時候享福，享受人生呢？」
來源 source: http://hk.on.cc
|
鍾意就快D Share啦！
|
|
|
