掃呢頁CODE去手機

2018年9月29日 星期六

【邊個視帝最鍾意爭】唔妥蕭正楠洪永城 明恰吳卓羲:出到街剪走晒我啲戲(足本版) __,吳卓羲,正楠,洪永城,蕭正楠,

邊個視帝好小器、好鍾意爭嘢嘅呢?俾啲提示你,之前拍《巨輪》,佢嬲蕭正楠接得多job過佢。拍《張保仔》,唔高興俾洪永城搶fo。不過拍《叛徒》佢就叻啦,出 ...




邊個視帝好小器、好鍾意爭嘢嘅呢?俾啲提示你,之前拍《巨輪》,佢嬲蕭正楠接得多job過佢。拍《張保仔》,唔高興俾洪永城搶fo。不過拍《叛徒》佢就叻啦,出招搶吳卓羲戲份。咁經典嘅視帝,咪係陳展鵬囉!

男人爭起上嚟,唔係講笑!陳展鵬拍《叛徒》嗰陣,因為冧得掂曾勵珍,戲份一加再加,可惜套劇曾經變成倉底貨。因為陳展鵬而要坐歪嘅吳卓羲,語帶雙關話:「我實賴佢(陳展鵬),嗰陣傳珍姐加佢戲份力捧,我冇乜戲㗎,所以唔關我事!」

吳卓羲仲話,拍攝時大家一樣咁多戲,陳展鵬主要文戲,佢就動作場面多,唔知點解出到街剪走晒佢啲戲。回應時,陳展鵬暗寸吳卓羲,話只要演得好,一樣會彈出喎。

至於嬲洪永城搶fo,陳展鵬宣傳玩遊戲時,笑笑話:「我想打佢!係真打,佢咁招積!」洪永城亦不示弱,即刻接招話練定大聖劈卦迎接佢。

對小學同學蕭正楠,陳展鵬一樣小心眼。佢哋曾經屬同一經理人旗下,但幾年前,蕭正楠不但有多啲賺錢job,又可以拍個人音樂特輯,陳展鵬埋怨經理人大細超,仲同蕭正楠有心病。

但呢兩年佢順風順水,咁威威,唔使再妒忌人哋

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!