【有片】蝦頭易容術3招變身明玉一人分飾皇上皇后妃嬪宮女 __,蝦頭,楊詩敏,

【有片】蝦頭易容術3招變身明玉　一人分飾皇上皇后妃嬪宮女《延禧攻略》熱爆中港台，近日蝦頭(楊詩敏)就喺bigbigchannel狂玩《延禧攻略》化妝大 ...

【有片】蝦頭易容術3招變身明玉　一人分飾皇上皇后妃嬪宮女

《延禧攻略》熱爆中港台，近日蝦頭 (楊詩敏) 就喺big big channel狂玩《延禧攻略》化妝大挑戰，以簡單三樣嘢化成「Low tech」版嘅延禧明玉宮女頭！

蝦頭教整明玉頭！

蝦頭教整呢個明玉宮女頭前，已經化咗個幼眉嘅明玉妝，之後佢攞出一個黑色嘅冷球，冇錯！就係織冷衫用嘅冷毛線球。

再加埋個頭箍，同埋各色假花 (包括絨花、絲花、膠花)，即刻為呢個宮女頭增色不少！





最後再化埋個「絳唇妝」就搞掂！





不過喺整頭同化妝嘅過程中，有兩樣嘢令網民睇到好分心，一樣就係不時閃過、意圖搶蝦頭鏡嘅貓貓同狗狗。



另一樣就蝦頭心口條「事業線」，喺蝦頭動作間不時谷一谷，勁吸睛！



完成真係低技術低成本，仲好有創意㖭！學蝦頭話齋，真係嚟緊萬聖節必學呀！

蝦頭仲攞起把梳扮咪，唱出明玉成日唱嘅〈囍帖街〉，又唱埋〈絕對空虛〉，唱到七情上面，獲網民like爆！



胡定欣都留言讚：「真心唔夠你玩！」



除咗「明玉頭」，蝦頭仲整過「令妃頭」，同埋扮皇上、皇后，真係好癲！

睇片

【延禧攻略】蝦頭要化個明玉宮女妝！

【延禧攻略】蝦頭要化個明玉宮女妝！😍😍嚟到第三round嘅蝦頭延禧化妝攻略，今次佢唔止要挑戰妝容，仲教埋大家點樣用超低成本方法，自製明玉嘅宮女頭！萬聖節必學呀！❤❤想知佢用咩材料，兩三下手勢就攪到個造型咁逼真？即刻上big big channel睇下足本💖#延禧攻略 #蝦頭 #明玉 Hatou 蝦頭 楊詩敏 即刻上big big channel睇足本 蝦頭 low tech 挑戰 延禧 宮女髪型http://bit.ly/2xu1hXz立即下載 big big channel睇更多iOS 版本：https://goo.gl/mKdpgYAndroid版本: https://goo.gl/koAb9o

Posted byBig Big Channel 大台網on Friday, 21 September 2018

膠通消息來源：東方新地

蝦頭之前就已經試過直播玩過「妃嬪妝」。

【有片】蝦頭化「延禧妝」變魏瓔珞　網民：勁過「美圖獸獸」！

宮廷劇《延禧攻略》熱潮仲未有減退嘅跡象，好多強國影相Apps都推出「延禧filter」俾玩家一過「延禧妝」癮！「蝦頭」楊詩敏都中咗「延禧毒」，魏瓔珞上身，喺網上直播示範「 延禧妝 」教學！為咗呢個直播，蝦頭專程用紙DIY咗個妃嬪髮型，仲著埋《延禧》主角魏瓔珞經常著嘅藍色衫，勁有誠意！究竟佢個妝化成點呢……只可以說，效果勁過「美圖獸獸」！

化「延禧妝」之前，首先要整返個妃嬪頭！



大家好！我係「蝦瓔珞」！



「延禧妝」嘅重點之一：超幼眉



「延禧妝」重點之二：咬唇妝



兩碌粉條打孖上！



嗯⋯⋯撩鼻並唔係教學嘅一部份！只係好痕啫！



打返個「童年陰影」！



化身武媚娘⋯⋯係「冇眉娘」先啱！



蝦頭：「好幼呀堂眉！哈哈哈哈！」



咬唇妝！勁sexy囉！



「我蝦瓔珞天生脾氣唔好，唔好惹，！邊個再喺度咦咦哦哦，我就一定有法子對付佢。」



完成！Filter效果勁唔勁過「美圖獸獸」先！



睇片

【化妝大挑戰】蝦頭再嚟挑戰延禧攻略化妝！

【化妝大挑戰】蝦頭再嚟挑戰延禧攻略化妝！💖💖蝦頭又嚟化妝大挑戰呀！！今次佢要化延禧攻略嘅瓔珞妝😍！！佢個頭飾真係笑咗！又搞笑又學到嘢！！蝦頭真係化到成個瓔珞咁呀！！你地又鍾唔鍾意？？💖💖快啲去big big channel睇埋個足本化妝大挑戰！ #瓔珞 #延禧攻略 #化妝大挑戰 Hatou 蝦頭 楊詩敏想睇更多即上big big channel睇 蝦頭 化妝大挑戰 延禧妝︰http://bit.ly/2NfL5Cr立即下載 big big channel睇更多iOS 版本：https://goo.gl/mKdpgYAndroid版本: https://goo.gl/koAb9o

Posted byBig Big Channel 大台網on Tuesday, 4 September 2018

膠通消息來源：：Big Big Channel

來源 source: http://www.plastichubdaily.com

鍾意就快D Share啦！

下一篇 》