掃呢頁CODE去手機

2018年9月27日 星期四

單文柔徹底改造 陳展鵬:媽咪唔舒服時陪住我,心中道門俾佢鑽穿咗!(足本版) __,單文柔,展鵬,陳展,陳展鵬,

現年41歲嘅陳展鵬下個月中將與拍拖兩年,細佢13年嘅落選港姐單文柔結婚,唔少人都想知道,Phoebe究竟有乜招數搞掂煎pang!Phoebe同煎Pan ...




現年41歲嘅陳展鵬下個月中將與拍拖兩年,細佢13年嘅落選港姐單文柔結婚,唔少人都想知道,Phoebe究竟有乜招數搞掂煎pang!Phoebe同煎Pang拍拖半年就被人發現,之後多次俾人影到佢兩個出街,拍拖拍得咁高調,完全唔似煎Pang嘅作風。唔鍾意戀情曝光嘅煎pang一啲都唔介意公開拍拖,完全因為Phoebe徹底咁改造咗佢。

煎Pang最近接受訪問時講過,佢每次拍拖都會懷疑對方只係想借自己上位,埋佢身係有機心嘅,而Phoebe係唯一一個令佢感覺到簡單、自然嘅女仔。之前煎Pang媽咪唔舒服,令到佢好唔開心好無助,Phoebe成晚陪住自己,見佢失眠就整埋熱敷眼罩,嗰刻令佢好感動,又話好記得當晚瞓得好冧,成個人舒服咗好多,嗰刻心中道門就係咁俾Phoebe鑽穿咗喎!唔係好識得表達自己嘅煎Pang,接受訪問時可以講到咁白,Phoebe只係用咗兩年時間,就徹底改造咗佢,真係勁!只要Phoebe想做嘅,煎Pang都會陪佢,好似Phoebe好鍾意花,佢唔只唔介意送花,仲會陪佢落花墟買。明知花墟多人,話晒係視帝,煎Pang一現身花墟,就不停被集郵,仲要係同Phoebe一齊影添,咁大方嘅煎Pang,真係第一次見到!

攝錄:陳亦龍

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!