熱爆娛樂: 【百年好合】卓韻芝出嫁跪地向婆婆斟茶 _

2018年9月15日星期六

【百年好合】卓韻芝出嫁跪地向婆婆斟茶 __,卓韻芝,

39歲才女卓韻芝今日出嫁喇！恭喜，恭喜！

阿芝今年2月推出新書《峰迴路轉》時，書中暗藏婚訊，阿芝會嫁俾34歲從事電影美術嘅「閃電俠」梁子賢，大日子終於到嚟，雖然最強颱風「山竹」逐漸逼近香港，天文台噚晚仲掛咗一號風球，但仍天氣晴朗，一對新人開心舉行婚禮，摧手步入人生另一階段。

阿芝今午向傳媒發出斟茶照片，新娘子明艷照人，穿上紅色裙褂，佢真係好簡約，手上金器不多，佢拎住花球，跟西裝骨骨嘅郎向阿芝婆婆跪地斟茶，穿上紅衣嘅婆婆全程笑不攏嘴，自阿芝媽咪離世後，兩婆孫相依為命，阿芝非常孝順婆婆，而婆婆又痛錫孫女，婆婆見證阿芝得到幸福，當然感到安慰，阿芝一早表態婚後要同婆婆一齊住，變成三人行。

阿芝生命中出現好多痛錫佢嘅人，當然最重要嘅人有伯樂俞琤，阿芝邀請咗俞琤做佢嘅主婚人，一對新人都有站立向俞琤敬茶，俞琤「嫁女」都好開心。

阿芝今晚嘅婚宴會喺中環外國記者會舉行婚禮，屆時阿芝婆婆做證婚人，姊妹團有鄭秀文（Sammi）、蔡卓妍（阿Sa）、梁詠琪等，阿芝一直強調婚禮要從簡，佢希望婚宴同親友一齊gathering（新聞連結： https://bit.ly/2NKsTRC ）。

精選娛聞，喺晒《娛果》

http://fb.com/appledailyent

卓韻芝向來孝順，婚後將跟老公與婆婆三人行，一齊生活。	卓韻芝今日嫁給老公梁子賢，執子之手，與子偕老。	 卓韻芝跟生命中最重要嘅老公、婆婆同伯樂俞琤合照。
 卓韻芝同老公跪地向婆婆斟茶。	 卓韻芝今日升呢幸福梁太。	 卓韻芝穿上裙褂出嫁，明艷照人。
 新娘子笑容甜美。	 一對新人向俞琤敬茶。