係開心嘅！
藝人卓韻芝（阿芝）今晚同「閃電俠」梁子賢喺香港外國記者會舉行婚禮，有份擔任姊妹團嘅蔡卓妍（阿Sa）以粉紅色伴娘裙現身，並戴上寫有「Chi&YIN」嘅手帶。佢透露今次婚禮冇「玩新郎」及「接新娘」環節，佢笑言係最舒服嘅姊妹：「佢一嚟就已經話冇玩新郎，我哋主要係負責嚟靚。（冇得玩有冇失望？）最好唔好啦，費事玩人玩着自己。（最忙做咗啲咩？）主要都係影相、擺pose，一陣同賓客吹吓水。（會唔會幫手頂酒？）我都頂得幾杯嘅，其他姊妹就難講啲。」
問到送咩結婚禮？阿Sa笑言冇準備，更自爆嚟婚禮前先問新娘使唔使畀禮金，佢話：「我嚟之前send message畀佢問做姊妹使唔使畀禮金，佢又冇聽到個message，跟住我頭先嚟到佢就喺我面前開speaker播我個message，搞到我好尷尬，或者遲啲補番份禮。」另外，問到想唔想接花球，佢表示：「我出門口先問助手，我啲朋友究竟結晒婚未，好似不停咁出席朋友婚禮，我助手仲話我爭容祖兒個花球就搞掂。」佢續指今次婚禮以簡單為主，連新娘本身都好鬆散，反而新郎比較緊張。
來源 source: http://hk.on.cc
|
鍾意就快D Share啦！
|
|
|