內地節目《幻樂之城》請嚟鄭伊健、劉偉強重新演繹合作過嘅《古惑仔》、《風雲》、《烈火戰車》。對於又再「翻炒」廿年前經典，有網民直斥「又消費情懷」，更有人話：「成班人咁多年無再進步過，一直炒冷飯，相信佢哋去到80歲都係sell緊《古惑仔》。」
不過，經典就係歷久不衰吖嘛，所以就算一再翻炒都會感動到人，至少王菲話唔夠喉：「（剛才王菲說沒看過癮。）對，這是我第一個覺得，你們是不是沒夠8分鐘？第一個作品讓我覺得沒夠8分鐘，沒看過癮！但我只是兩個字，好看。」
另外，對於王菲嚟講，其中一個「好看」嘅地方，或者包括鄭伊健、劉偉強嘅普通話太「普通」，令王菲聽到哭笑不得，有時仲要為身邊人充當翻譯添。
BTW，《古惑仔》、《風雲》、《烈火戰車》呢啲經典係歷久不衰，而日前見到46歲細細粒（黎姿）依然明艷照人，不過歲月始終係指間流沙捉都捉唔住，睇下伊健就知，雖然型，但真係老咗唔少。所以，鄭伊健、陳小春、錢嘉樂、謝天華、林曉峰嚟緊套新戲《黃金兄弟》，五子再合作真係買少見少架喇！
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|