拍拖20年，焦媛話最初同高志森一齊，對方已經離咗婚，佢從來冇做過小三。仲話對高志森一見鍾情，第一眼已經有感覺，講笑話自己有戀父情意結。
唔好睇焦媛成日性感示人，感情生活一定多姿多采，其實佢一生人只係得一個男朋友，就係高志森喇！
讀演藝嗰陣，高志森已經見過佢，但講到真正認識，係搵佢幫一部電影錄歌。焦媛形容喺錄音嗰一個鐘，愛嘅感覺竟然喺心中油然而生。佢亦feel到高志森對自己有意思，之後冇話邊個追邊個，總之就極速撻着。
俾人以為佢係小三，受盡劇壇壓力嘅時候，佢話同高志森感情反而最好。
依家就昇華到親人階段，代表關係已經去到另一境界，因為世界上只有親人唔會忘記你同永遠錫你。佢42歲，高志森就60歲，但佢唔心急結婚，仲話除非意外有BB。
平日生活細節，焦媛形容自己千依百順，聽晒男友話。但壹仔見佢哋去買酒，佢say no，高志森就即刻放低支酒，都好尊重佢意見。
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
