掃呢頁CODE去手機

2018年10月20日 星期六

英超Fever:曼聯補時遭逼和 寸王想打車仔助教! __,曼聯,

【英超不斷更新】:https://bit.ly/2J6WIah 紅藍大戰好睇到爆,曼聯領先到95分鐘,最後被追成2:2平手,莫連奴仲幾乎同人打交!寸王 ...




【英超不斷更新】:https://bit.ly/2J6WIah 

紅藍大戰好睇到爆,曼聯領先到95分鐘,最後被追成2:2平手,莫連奴仲幾乎同人打交!寸王帶領紅魔鬼重返史丹福橋,對住本季英超風頭躉車路士,賽前被睇低一線,但今場莫連奴冇泊大巴,重用桑馬達打攻中,安東尼馬迪爾亦得到重生,憑呢位法國前鋒下半場梅開二度反超前。完場前峰迴路轉巴克里追成2:2平手,車仔助教竟走到寸王面前慶祝,搞到寸王彈起想打人!

曼聯上半場初段虎虎生威,成隊波到人到,重點看管夏薩特,形勢同主隊拉成均勢。不過車仔始終進攻瓣數多,一次角球攻勢就搞掂對手,魯迪格成功擺脫普巴緊纏,接應角球頂入,半場領先1:0。曼聯落後之後冇晒計,畀車仔搓住踢,冇咩威脅過對手大門。

不過下半場曼聯沉着應戰,其中楊格嘜到夏薩特貼貼服服,曼聯先可以進行大反擊。55分鐘楊格右路一抽,佐真奴費路門前一擋,馬迪爾一射入網為曼聯追平。曼聯跟手得勢不饒人,桑馬達於右路發動攻勢,福仔妙傳空晒嘅馬迪爾,馬迪爾推橫一射搞掂反超前。比賽進入補時階段,巴克里戲劇性為車路士追成平手,車仔助教Marco Ianni走去莫連奴面前慶祝,寸王成個彈起想打人,好彩有工作人員拉住佢先冇出事,場面激烈火爆!完場後莫連奴深深不忿,走到車仔球迷面前舉起三隻手指,提醒佢哋自己為車仔攞過三次冠軍,火藥味超濃。

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!