苟芸慧冧嫁陸漢洋生夠4個
最後一個「處女黨」成員苟芸慧與賽車冠軍老公陸漢洋早前在加拿大成婚，昨日在港舉行婚禮，兩地婚禮豪花逾千萬！晒豪乳兼閃爆出嫁的她直言希望生夠四個，在晚宴戴上野獸頭套的陸漢洋，笑言造人是持久耐力賽，又冧爆講愛的宣言：「最少愛佢一生一世！」
現年35歲的苟芸慧與45歲的錫礦大王後人陸漢洋（William）早前神秘註冊結成夫婦，昨日正式在港假上水雙魚河會所舉行早晚兩場婚禮，一對新人早上在雙方長輩親友約三十人見證下，進行簡單而隆重的儀式，隨後跟約八十名賓客共進午宴。婚禮以「童話」為題，一對新人共同構思象徵Infinite Love的結婚logo，以兩種不同藍色代表二人姓氏「6」和「9」，寓意永恒的愛。
一對新人進場前，先播放他們在加拿大舉行婚禮時的影片，其後苟芸慧身穿早前在加拿大古堡拍攝婚紗相的黃色低胸婚紗，翹實陸漢洋進場，切合《美女與野獸》女主角貝兒的衣着，她手戴三卡、價值170萬鑽戒，而全日佩戴Tiffany&Co.珠寶共值約一千三百多萬港元，當中Paper Flowers鉑金鑽石髮冠全球只得八個，香港更只有一個！婚紗有20呎長拖尾，下半身設計採用向內彎透視設計，隱約見到高衩接近髖骨位置，連穿T-back都頗有難度。一對新人完成切蛋糕及祝酒儀式後，識做地咀嘴兩次，長達三秒給大家影相。
揼本遊半個世界
傍晚時分，一對新人會見記者再被要求咀嘴，陸漢洋扭擰一會，才滿足大家要求錫錫老婆，他透露晚宴款待200人，以自助餐形式，在露天草地舉行。苟芸慧說：「露天係我Idea，我鍾意大自然。（慣做陸太未？）OK，今朝都有人咁叫。」講到先後在兩地舉行婚禮及在神秘地方註冊，是否用了很多錢？陸漢洋說：「錢就唔知，去咗有意思嘅地方，再做到唔同嘅嘢，好開心，希望多啲記憶，去咗美洲、歐洲、亞洲，行咗半個世界，將來十周年再行多一次。」
愛的承諾 幸福快樂
問是否全速進行造人大計？他說：「唔係全速，我不嬲係耐力賽，佢又有劇拍，工作排到農曆新年，我哋希望兩、三年後先造人。」問到想生幾多個？苟芸慧說：「四個！順其自然」講到「愛的宣言」，陸漢洋少許哽咽說：「多謝佢對我咁好，我係個幾難頂嘅人，佢都包容我，我會盡量畀幸福快樂佢！（應承佢父母好好照顧佢？）其實佢爹哋唔捨得交個女畀我，我都應承咗好好照顧佢哋個女，亦承諾太太最少愛佢一生一世！」晚宴上他獻唱歌曲《Beauty and the Beast》，更戴上頭套扮野獸，原來事前特別向歌手關心妍學唱歌幾個月，並拉苟芸慧上台跳舞。
|
鍾意就快D Share啦！
|
|
|
