江嘉敏講起男友即甜絲絲。
無綫小花江嘉敏（Kaman）早前被東網獨家踢爆與電競公司高層Anthony拍拖，今日她隨劇集《殺手》的攝製隊出發往台灣拍外景，提到戀情，她甜絲絲說：「係拍拖，拍咗冇幾耐，剛開始，好好彩畀大家見到。（佢係電競公司高層，大家打機識？）都有打機，但係由朋友介紹認識，新年拜年一齊食飯，佢哋打麻雀，我唔識，我坐正喺佢隔籬睇，覺得佢都好有耐性，因為我不斷咁問打麻雀嘅嘢，佢都不厭其煩咁答，我好欣賞佢咁有耐性。（見咗家長未？）未有咁快，剛開始，穩定啲先。」
她指對方初時並不知道她的藝人身份，因為對方在外國讀書，又笑言：「佢話所有嘅運氣都用晒嚟識我，我當日一坐喺佢隔籬佢就贏咗嚦咕嚦咕，以台灣牌嚟講應該係好大。」
今次Kaman要在台灣逗留三星期，問她會否掛住男友？她口硬稱不會特別掛住，至於男友會否到當地探班？她出口術說：「唔知佢會唔會過嚟，我生日要喺當哋過，記住睇訪問，識做（期唔期待有驚喜？）抱希望，但佢唔係一個好浪漫嘅人。」兩人被影到在西貢寓所出入，問他們是否同居，Kaman否認：「唔係，我為咗近公司，所以租嚟住，有時我太夜或者太早出門，佢會嚟車我返工，佢咁做，呢方面會加分。」
來源 source: http://hk.on.cc
|
鍾意就快D Share啦！
|
|
|
