掃呢頁CODE去手機

2018年11月14日 星期三

洪卓立:11年情難有新衝擊 洪卓立湯怡婚前嗌分手 __,洪卓立,湯怡,

洪卓立與湯怡在愛情路終於分開,令人感到可惜。英皇歌手洪卓立(Ken)與湯怡結束11年情,各自「獨活」,洪卓立「痛」…繼續做「傻瓜」…這就「是愛情」的結 ...


洪卓立與湯怡在愛情路終於分開,令人感到可惜。


英皇歌手洪卓立(Ken)與湯怡結束11年情,各自「獨活」,洪卓立「痛」…繼續做「傻瓜」…這就「是愛情」的結局…他要「帶着骨灰去旅行」散散心!今日,Ken在社交網貼圖剖析自己心態,以「沉默是傻瓜的最佳答案」作回應!本來二人諗好35歲結婚,仲話已經有晒共識,旅行結婚完返嚟擺酒…最後竟然搞成咁!

分手有乜原因?一說,湯怡與陳家樂成為幕前情侶檔後,二人一齊吸金力強,所以…第二個講法,洪湯戀已經拍咗11年拖,再唔結婚就難有衝擊!

去年湯怡以約800萬購入將軍澳一個兩房兩廳單位,即時傳出分手消息,搞到Ken即時撲出嚟澄清,不過解畫時有啲勞氣,但最後仍然EQ好高咁回答:「總之湯怡係屬於大家,袁家怡(湯怡原名)就屬於我!」

傷感到唱唔落去

上月中舉行洪卓立x吳浩康演唱會,湯怡亦有現身麥花臣打氣,期間洪卓立唱《帶着骨灰去旅行》時,唱到一半就唱唔落去,要吳浩康代唱下半部分,洪卓立當時明顯好傷感,但係大家唔知佢玩科?之後洪卓立表示多謝出席的朋友:「《帶着骨灰去旅行》首歌係多謝佢。」當然係講湯怡

10月17日洪卓立接受電台訪問,被問如何跟女友湯怡慶祝生日?他表示會普通食餐飯,但自爆蝦碌事:「之前都有叫佢啲朋友去屋企畀個驚喜佢,點知嗰日佢拍完嘢返到屋企,唔知有人喺度就除衫,咁我背住佢扮打機,一擰轉頭就見佢除咗條褲,得番底褲,然後啲女性朋友就出嚟,嚇到佢喊!(女友內衣性感?)唔話畀你哋知!」

問如何氹番女友?他回答:「其實佢之後都冇事,好彩冇人拍片,如果畀我都會delete」日後求婚畀驚喜女友,可會怕蝦碌事再發生?他說:「唔喺屋企搞咪得囉!(怕女友報復?)唔會嘅,我會check晒啲房有冇人先!」可惜這最後未能成事!

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!