拜金港女Seasun去年喺大台實況節目《有樓萬事足》，衝口而出「有樓有高潮」同「冇樓唔好白撞」，講咗一年，23歲嘅Seasun近日被揭已靜雞雞「上車」，有樓揸手，根據土地註冊處嘅紀錄，有人去年7月以鄧湤鉮（Tang Seasun）名義，買咗筲箕灣柏匯低層300呎單位，作價約600萬元。Seasun話係靠儲蓄同屋企人親戚夾份買返嚟。
Seasun自去年實況節目後，突然失踪咗一排，近日被爆做咗業主，即使係細單位，都叫上咗車，佢話有錢買樓因為之前接咗接拍三級片《有罪》，當中佢要全祼演出，Seasun喺鏡頭前倒瀉奶，佢除咗着一啲SM裝出鏡，極度誘惑，佢仲同另一女仔胸頂胸。
Seasun今日接受《蘋果》電話訪問，問到佢點解買樓上車，佢話：「買樓上車，我都係下咗決心，奮鬥咗好耐，今次買樓成功，全靠我努力。」依家層樓點安排，佢話：「都唔知㗎，第時搵到個好嘅男仔，可能同我一齊住呢。」仲想入巿？Seasun答：「或將來可以入市買唔同嘅單位，或一幢幢嘅樓，繼續搵到好盤投資啦，我都會繼續入市買樓嘅，希望18區，區區都有樓。」
Seasun講番拍戲，佢話:「多謝導演畀機會我，令我可以投身大銀幕，因為呢部戲，我先可以上車。今次成為電影新人，導演話認識我係睇咗《有樓萬事足》，但最初被唔睇好，我哋交流咗，佢畀我真誠打動，佢知我好鍾意藝術，感覺我比較簡單女仔。」導演選Seasun做女主角，佢話自己都呆咗，戲中有全裸演出，Seasun話：「全祼露點要斟酌，始終第一次。」Seasun話佢戲中扮一個dancer，其中有一幕戲講佢同另一個女仔前戲互動，挑逗男主角，大玩3P。
Seasun話首次演出呢類角色，幸好導演教路：「由思想到工作上，慢慢適應，大家教咗我好多性愛藝術，肢體語言，教我點用手用腳同皮膚去表達，clam down男主角個心，當中都有唔少性愛場面，但電影還電影，AV還AV，呢套戲係大家演員共同心血，努力成果，希望大家拭目以待，唔好戴有色眼鏡睇，電影同我哋一樣咁吸引。」Seasun先劇透一幕豪放場面，佢話係跟男主角去蒲：「玩到胸圍、底褲掟落舞台，我當拍緊係嚟緊M，一路漏住拍，件裇衫都一路除，一路拋去畀台下觀眾，仲沾咗血漬，台下觀眾又將我件血漬舞衣拋番上台，呢場戲，我頂住拍，直至音樂停先落台。」
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
