掃呢頁CODE去手機

2018年11月15日 星期四

羅天宇苟芸慧同居不同床致分手 胡㻗同港姐拍拖(足本版) __,港姐,羅天宇,胡㻗,苟芸慧,

羅天宇冧盡大台高質靚女,係男人公敵,但估唔到佢細佬胡㻗一樣係港姐殺手。兩兄弟都咁把炮,難怪本來把幾火嘅巴打,依家都轉軚話想做佢哋契細佬,希望黐下桃花運 ...




羅天宇冧盡大台高質靚女,係男人公敵,但估唔到佢細佬胡㻗一樣係港姐殺手。兩兄弟都咁把炮,難怪本來把幾火嘅巴打,依家都轉軚話想做佢哋契細佬,希望黐下桃花運識下女仔咁話。

胡㻗名不經傳,喺大台仲未有代表作,但唔聲唔聲其實暗撻過2017年港姐季軍黃瑋琦。可惜二人拍拖時間極短,凳都未坐暖就分咗手,加上二人都無咩名氣,所以傳媒好少提起,外界亦無咩人知。

直到近日傳出胡㻗同2016年亞軍劉穎鏇疑似車震,立即聲名大噪,大把男士咬牙切齒咁認住佢。鬼咩,喺《3日2夜》同《學是學非》跑出嘅劉穎鏇,外表甜美之餘身材亦相當出眾,除咗42吋長腿外更加有前有後,副偈真係好嗒得杯落架,連小朋友都認住佢上前集郵,可想而知佢幾有魅力啦。

其實比起佢阿哥羅天宇,胡㻗嘅戰績一啲都唔顯眼。

羅天宇2009年拍《南華夢飛翔》時同Coffee林芊妤撻著,熱戀時二人經常匿喺男方屋企日對夜對,仲影落唔少親密相,不過關係只維持短短一年,好快就玩完。

之後輪到最當打時期嘅苟芸慧。二人相差4年發展姊弟戀,拍咗兩年拖,分手時二人都話係和平分手,但苟姑娘就曾經透露過一度懷疑羅天宇變心。苟姑娘咁索都變心,難怪羅天宇成為男人公敵。另外,有個講法係女方有宗教信仰,就算二人同居但都唔同床,導致最後分手收場。

羅天宇後來因為《愛 回家》開始入屋,亦因為《愛 回家》冧掂湯洛雯。二人拍拖初期就算被影到都死口唔認,直到男方30歲生日,靚湯當眾送吻,二人關係先正式浮面。可惜4年感情都係見光死,而羅天宇最新拖友就係陳瀅,又係女神級別。除咗妒忌之外,真係要寫個服字。

鍾意就快D Share啦!