今晚無綫舉行嘅《萬千星輝賀台慶》，去年就話有限奶令，唔少女藝人都冇理會，至於今年冇限奶令之下，個個更加搏到盡。
今晚大部份女藝人以Deep V示人行紅地毯，「宅男女神」馮盈盈為求突破，唔晒胸，而係玩側身幾乎全透視，冇着底褲超性感，成為焦點。馮盈盈話今晚係台慶司儀之一，為隆重其事，所以真空上陣以表誠意，佢話：「裙係透視，我坦白承認冇着內褲，因為要穿出流線型嘅美態，今次豁出去。」佢笑言唔知點做保護措施防走光，但事前有先畀男友過目：「佢覺得好驚艷、好欣賞呢條裙。」
而陳煒嘅大Deep V幾乎開到落肚臍位，但似乎輸畀年輕一輩嘅邵珮詩，佢開出「八字胸」搶鏡，不過佢心口有一大撻疑似疤痕，大煞風景。有導彈般身材嘅張秀文穿上一條米白色開胸晚裝，令佢上圍表露無遺，加埋大露背，冇令人失望。劉佩玥今晚都搏到盡，蝦肉色嘅大deep v晚裝裙，同樣效果澎湃。至於王君馨嘅米白色魚網低V晚裝，身材同件衫配得好恰當。傅嘉莉一襲鮮紅色絲絨裙，胸前透視大V，其八字波事業線呼之欲出。
而舊年視后唐詩詠，都以藍色晚裝亮相，微微谷胸。至於今晚唔少女藝人穿露肩晚裝，好似陳瀅、朱晨麗顯得略肥，而孫慧雪，可能做咗媽咪，上圍同身形明顯豐滿不少。而胡定欣蝦肉色全身透視裙就最穩陣，至於高海寧今晚包到冚最失色。
Google Play 2018 年度最受歡迎應用程式，請即點擊
http://bit.ly/2FCthz5 投《蘋果動新聞》一票
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
