掃呢頁CODE去手機

2018年11月26日 星期一

阿B感激范姜打救父女檔晒幸福 __,范姜,鍾鎮濤,阿B,

鍾懿在音樂方面才藝出眾,盡得阿B真傳。
阿B感激范姜打救父女檔晒幸福歌手鍾鎮濤(阿B)睽違10年再踏紅館開騷,曾經跌落人生低谷的他在台上自嘲「人又老,錢又冇,老婆又走佬」,幸好衰到盡頭便是W ...


阿B感激范姜打救父女檔晒幸福

歌手鍾鎮濤(阿B)睽違10年再踏紅館開騷,曾經跌落人生低谷的他在台上自嘲「人又老,錢又冇,老婆又走佬」,幸好衰到盡頭便是Warm!他公開答謝第二任太太范姜像守護神般扶持,又與兩名囡囡手拖手合唱晒溫馨!

65歲的阿B一連兩場的《故事繼續演唱會》前晚在紅館開鑼,吸引大批好友捧場,包括關之琳、金燕玲、邱淑貞與老公沈嘉偉、內地組合Super Junior M成員周覓、台灣藝人楊謹華、信樂團主音蘇見信等,而太太范姜及溫拿隊友早於騷前已現身。

「梅道」變「未到」去咗差館

演唱會於晚上8時半開始,阿B先與歌迷打招呼:「好感恩咁多年嚟好多老友同屋企人鼓勵我,冇你哋我嘅故事繼續唔到。」提到太太范姜,阿B感性形容對方是守護神,指她當年24歲就離開家鄉跟着自己,實在不容易:「嗰時我人又老、錢又冇,老婆又走佬!佢啲廣東話唔好,搭的士去梅道講咗『未到』,結果去咗差館!聽落好好笑,其實佢真係為我付出咗好多。」

阿B苦盡甘來,攬實二女鍾懿及太太范姜。
  • 阿B苦盡甘來,攬實二女鍾懿及太太范姜。
阿B為與粉絲握手,不惜企上座位更險仆倒。

  • 阿B為與粉絲握手,不惜企上座位更險仆倒。

阿B的二女鍾懿穿半截裙晒腿彈奏Ukulele,與妹妹鍾幗及兒童合唱團齊齊登場合唱《Over the Rainbow》。其後阿B拖着細女唱出《What a Wonderful World》,鍾幗先用中文自我介紹,再用英文感謝大家支持,引來台下歡呼不斷!而鍾懿再出場與爸爸合唱新歌《不忘初心》,阿B笑言一定要拖手:「遲啲佢唔畀我拖㗎」令鍾懿一臉害羞表示擔心走音,阿B就請觀眾拍掌鼓勵,場面溫馨:「之前同溫拿一齊開騷,有幾個伯伯等緊,鍾懿淨係可以唱半首,今次點唱都得!」她感謝爸爸讓自己站在紅館演出,又稱很多人問她是否想做歌手:「我想專心讀書先,但可以同爹哋一齊唱歌係好幸福嘅。」然後以電子琴自彈自唱《Can't Help Falling in Love》,大展音樂才華。

恭碩良下跪上契?

阿B唱至《只要你過得比我好》時,請出鼓手恭碩良(Jun)以結他伴奏。Jun錫了阿B一啖,透露20年前來港首個認識的明星就是阿B:「佢好Man,對屋企人好緊張同呵護。雖然我唔會生小朋友,但如果我有,一定以佢為榜樣。」阿B笑言可以飲威士忌進行父子上契儀式,但不知誰要送金碗給對方,Jun即時下跪!接近尾聲時,螢幕播出成龍、許冠傑、郭富城、張學友、梁朝偉及梁家輝等巨星拍攝的打氣短片,盡顯他入行40年來的極佳人緣!

阿B與細女鍾幗及兒童合唱團合唱。

  • 阿B與細女鍾幗及兒童合唱團合唱。
阿B笑言要與恭碩良上契,認對方做契仔。

  • 阿B笑言要與恭碩良上契,認對方做契仔。





鍾意就快D Share啦!